Memleket basşysy Qasym-Jomart Toqaev 2025 jylǧa deiın jergılıktı joldardyŋ kemınde 95 paiyzyn jaqsartu jönınde tapsyrma berdı, dep habarlaidy «Adyrna» tılşısı.
«Ükımet būl mäselenı tıkelei baqylauǧa alsyn. Jol qūrylysyndaǧy zaŋsyzdyqtardy anyqtau qajet. Būl jūmystan naqty nätije şyǧaru kerek. Bızde älı künge deiın bitum tapşy. Būl – ırı kölemde mūnai öndıretın el üşın, tıptı, ūiat jaǧdai. Ükımet osy mäselenı tübegeilı şeşuge tiıs. Jalpy, aşyǧyn aituymyz kerek, Ükımettıŋ jūmysynda qaita-qaita olqylyqtar bolyp jatyr. Bırese janar-jaǧarmai, bırese şeker jetıspeidı. Osynyŋ bärı Ükımettıŋ naqty şeşım qabyldauǧa kelgende öte baiau qimyldap, batyl qadam jasai almauynan bolyp otyr. Mūndai jaǧdaiǧa azamattardyŋ da köŋılı tolmaidy. Ärine, būl – oryndy. Sondyqtan, däl osylai jalǧasa berse, taǧy da naqty kadrlyq şeşımder qabyldauǧa tura keledı»,—dedı ol.
