Qazaqstanda dizel otyny mäselesın şeşuge qatysty şara qabyldamaǧany üşın Energetika vise-ministrı Äset Maǧauov pen «QazMūnaiGaz» ŪK» AQ basqarma töraǧasy Maǧzūm Myrzaǧalievke qataŋ sögıs jariialandy. Būl turaly premer-ministrdıŋ baspasöz qyzmetı mälımdedı, dep habarlaidy "Adyrna" ūlttyq portaly.
"Uaqytynda tiıstı şaralar qabyldamaǧany üşın energetika vise-ministrı Äset Maǧauov pen «QazMūnaiGaz» ŪK AQ basqarma töraǧasy Maǧzūm Myrzaǧalievke qataŋ sögıs jariialandy. Sonymen qatar tärtıptık jazalau şaralary qabyldanyp, Energetika ministrlıgı men QMG kompaniiasynyŋ bırqatar jauapty qyzmetkerımen eŋbek qatynasy būzyldy", - dep jazylǧan habarlamada.Dizel otyny mäselesı Ükımettıŋ erekşe baqylauynda, qyrküiektıŋ basynda jaǧdai tūraqtalady dep josparlanyp otyr. Baspasöz qyzmetı mälımetınşe, premer-ministrdıŋ tapsyrmasy boiynşa arnaiy qūrylǧan premer-ministrdıŋ bırınşı orynbasary Roman Skliar basqaratyn komissiia elımızdıŋ barlyq öŋırın dizel otynymen üzdıksız qamtamasyz etu mäselesımen ainalysyp jatyr. Onyŋ qūramyna jauapty memlekettık organdar men ūlttyq kompaniialar ökılı kıredı. Bırınşıden, şeteldık tranzittık kölık otyndy köp tūtynady. Ekınşıden, baǧanyŋ aitarlyqtai aiyrmaşylyǧyna bailanysty Qazaqstannan körşıles elderge dizel otynynyŋ jıberıluı. Mysaly, Qazaqstanda dizeldıŋ bır litrı – 230-260 teŋge, al Özbekstan, Qyrǧyzstan jäne Reseidegı janarmai beketterındegı baǧa 440 teŋgege deiın jetedı.
"Otandyq mūnai bazalary dizel otynyn bölşek sauda qūnynan joǧary baǧamen satqan, būl öŋırlerde otyn satu kölemınıŋ qysqaruyna äkeldı. Öitkenı ony satyp alu janarmai beketterı üşın tiımsız boldy", - dep jazylǧan habarlamada.Sondai-aq «QazMūnaiGaz», Petrosun kompaniialary, sondai-aq mūnai öŋdeu zauyttary tarapynan öndıru, marketing jäne logistikada jüielı kemşılıkter men olqylyqtar anyqtaldy. Jaǧdaidy qalypqa keltıru jäne janar-jaǧarmai materialdarynyŋ ışkı naryǧyn tolyq qamtamasyz etu üşın bırqatar jedel jäne ūzaq merzımdı şaralar qabyldandy:
- Dizel otyny öndırısınıŋ kölemı biyl 5,2 mln tonnaǧa deiın ūlǧaidy, būl 2021 jylǧa qaraǧanda 340 myŋ tonnaǧa joǧary;
- Mūnai öŋdeu zauyttarynan dizel otynyn jöneltu kölemı ūlǧaityldy;
- «Samūryq-Qazyna» qory jäne «QazMūnaiGaz» ŪK AQ-men dizel otynynyŋ qosymşa kölemın jetkızu turaly kelısımge qol jetkızıldı;
- Şymkent MÖZ-dıŋ öndırıstık quatyn keŋeitu josparlanǧan;
- 2023 jyldan bastap MÖZ jūmysynyŋ jaŋa shemasyna kezeŋ-kezeŋmen köşu josparlanyp jatyr, onyŋ aiasynda mūnaidy zauyttarǧa tıkelei jer qoinauyn paidalanuşylardyŋ özı jetkızedı nemese mūnai MÖZ-dı tıkelei satyp alu jolymen jetkızıletın bolady.
"Adyrna" ūlttyq portaly
Ūqsas jaŋalyqtar
