Qazaqstanda dızel otyny máselesin sheshýge qatysty shara qabyldamaǵany úshin Energetıka vıe-mınıstri Áset Maǵaýov pen «QazMunaıGaz» UK» AQ basqarma tóraǵasy Maǵzum Myrzaǵalıevke qatań sógis jarııalandy. Bul týraly premer-mınıstrdiń baspasóz qyzmeti málimdedi, dep habarlaıdy "Adyrna" ulttyq portaly.
"Ýaqytynda tıisti sharalar qabyldamaǵany úshin energetıka vıe-mınıstri Áset Maǵaýov pen «QazMunaıGaz» UK AQ basqarma tóraǵasy Maǵzum Myrzaǵalıevke qatań sógis jarııalandy. Sonymen qatar tártiptik jazalaý sharalary qabyldanyp, Energetıka mınıstrligi men QMG kompanııasynyń birqatar jaýapty qyzmetkerimen eńbek qatynasy buzyldy", - dep jazylǵan habarlamada.
Dızel otyny máselesi Úkimettiń erekshe baqylaýynda, qyrkúıektiń basynda jaǵdaı turaqtalady dep josparlanyp otyr.
Baspasóz qyzmeti málimetinshe, premer-mınıstrdiń tapsyrmasy boıynsha arnaıy qurylǵan premer-mınıstrdiń birinshi orynbasary Roman Sklıar basqaratyn komıssııa elimizdiń barlyq óńirin dızel otynymen úzdiksiz qamtamasyz etý máselesimen aınalysyp jatyr. Onyń quramyna jaýapty memlekettik organdar men ulttyq kompanııalar ókili kiredi.
Birinshiden, sheteldik tranzıttik kólik otyndy kóp tutynady. Ekinshiden, baǵanyń aıtarlyqtaı aıyrmashylyǵyna baılanysty Qazaqstannan kórshiles elderge dızel otynynyń jiberilýi. Mysaly, Qazaqstanda dızeldiń bir lıtri – 230-260 teńge, al Ózbekstan, Qyrǵyzstan jáne Reseıdegi janarmaı beketterindegi baǵa 440 teńgege deıin jetedi.
"Otandyq munaı bazalary dızel otynyn bólshek saýda qunynan joǵary baǵamen satqan, bul óńirlerde otyn satý kóleminiń qysqarýyna ákeldi. Óıtkeni ony satyp alý janarmaı beketteri úshin tıimsiz boldy", - dep jazylǵan habarlamada.
Sondaı-aq «QazMunaıGaz», Petrosun kompanııalary, sondaı-aq munaı óńdeý zaýyttary tarapynan óndirý, marketıng jáne logıstıkada júıeli kemshilikter men olqylyqtar anyqtaldy.
Jaǵdaıdy qalypqa keltirý jáne janar-jaǵarmaı materıaldarynyń ishki naryǵyn tolyq qamtamasyz etý úshin birqatar jedel jáne uzaq merzimdi sharalar qabyldandy:
- Dızel otyny óndirisiniń kólemi bıyl 5,2 mln tonnaǵa deıin ulǵaıdy, bul 2021 jylǵa qaraǵanda 340 myń tonnaǵa joǵary;
- Munaı óńdeý zaýyttarynan dızel otynyn jóneltý kólemi ulǵaıtyldy;
- «Samuryq-Qazyna» qory jáne «QazMunaıGaz» UK AQ-men dızel otynynyń qosymsha kólemin jetkizý týraly kelisimge qol jetkizildi;
- Shymkent MÓZ-diń óndiristik qýatyn keńeıtý josparlanǵan;
- 2023 jyldan bastap MÓZ jumysynyń jańa shemasyna kezeń-kezeńmen kóshý josparlanyp jatyr, onyń aıasynda munaıdy zaýyttarǵa tikeleı jer qoınaýyn paıdalanýshylardyń ózi jetkizedi nemese munaı MÓZ-di tikeleı satyp alý jolymen jetkiziletin bolady.
Energetıka mınıstrligi men janarmaı beketteriniń iri jelilerinde call-ortalyqtar ashyldy, onda qazaqstandyqtar baǵany negizsiz kóterý jáne janar-jaǵarmaı materıaldaryn satýdan bas tartý faktileri týraly habarlaı alady.
"Adyrna" ulttyq portaly
