2 qyrkúıekte S.Ótebaev atyndaǵy Atyraý munaı jáne gaz ýnıversıtetiniń bazasynda I.M. Gýbkın atyndaǵy Reseı munaı jáne gaz ýnıversıtetiniń fılıaly ashylady, dep jazady "Adyrna" ulttyq portaly.
"I.M. Gýbkın atyndaǵy Reseı munaı jáne gaz ýnıversıtetiniń Atyraý qalasyndaǵy fılıaly «Munaı-gaz qubyrlary men munaı-gaz qoımalaryn salý jáne paıdalaný», «Munaı-gaz tehnologııalary», «Munaı men gazdyń tabıǵı rezervýarlaryn geologııalyq modeldeý» baǵdarlamalary boıynsha bakalavrıat stýdentterin qabyldaý naýqanyn bastady", -delingen habarlamada.
Aıta keteıik, S.Ótebaev atyndaǵy AtMGÝ munaı-gaz salasy úshin kadrlar daıarlaıtyn Qazaqstandaǵy joǵary oqý orny, 2015 jyldan bastap I.M.Gýbkın atyndaǵy Reseı memlekettik munaı jáne gaz ýnıversıtetimen seriktestik baılanysta.
"Adyrna" ulttyq portaly
