Toqaev 5 qyrkúıekte Qostanaı oblysyna baryp, ult ustazy Ahmet Baıtursynulynyń 150 jyldyq mereıtoıyna arnalǵan resmı is-sharalarǵa qatysady. Bul týraly "Adyrna" ulttyq portaly jazady.
24.kz habarlaýynsha, Ahmet Baıtursynulynyń eńbek joly men ómiri bıyl erekshe nazarda. Mereıtoı aıasynda Aqkólde Ahmet Baıtursynulynyń ata-anasy jatqan kesenege topyraq salý rásimi ótedi. Ult ustazynyń kindik qany tamǵan orynda mýzeı úıi jáne Torǵaıda Ahmet Baıtursynuly men Mirjaqyp Dýlatulynyń jańa eskirtkishi ashylady.
"Alash arysy Ahmet Baıtursynulynyń mereıtoıyna arnalǵan ınfraqurylymdyq jobalar josparǵa sáıkes iske asyrylyp jatyr oblysymyzda. Jergilikti turǵyndardyń suraýy boıynsha Ahmet Baıtursynuly aýylyna aparatyn joldyń jáne Torǵaı ózeni arqyly ótetin kópirdiń jóndeý jumystary bastalyp ketti. Sonymen qatar jańadan medıınalyq pýnkt salynyp, Aqkóldegi aýyldyq ambýlatorııasy jóndeýden ótkiziledi", - dedi Qostanaı oblysynyń ákimi Arhımed Muhambetov.
Aǵartýshynyń eńbek jolyn zertteý jumystary jalǵasyp jatyr. Bir apta buryn fılologtar arnaıy ekspedıııaǵa shyqty. Bul joly zertteýshi top Meńdiqara aýdanyna baǵyt aldy. Bir kezderi Ahmet Baıtursynuly osy aýdandaǵy Orynbaev mektebinde muǵalim bolyp qyzmet atqarǵan. Biraq bilim oshaǵynyń qashan ashylǵandyǵy týraly naqty maǵlumat joq. Bul ekspedıııanyń maqsaty aǵartýshynyń kópke beımálim ómirbaıanynyń osy bir bóligin tolyqtyrý.
"Ekspedıııanyń qorytyndysyn Ybyraı Altynsarın atyndaǵy mektepte shyǵarǵaly otyrmyz. Sebebi kezinde osy mekteptiń qabyrǵasynda Qostanaı pedagogıkalyq synyby jumys jasaǵan. Atalmysh synypta Ahmet Baıtursynuly qazaq tilinen sabaq bergen edi. Minekı ekspedıııany uıymdastyra otyryp, biz qoǵamdy, jurtshylyqty Ahmet Baıtursynovtyń Qostanaı kezeńine nazar aýdartqymyz keledi", - deıdi ekspedıııa jetekshisi Almas Ábsadyq.
"Adyrna" ulttyq portaly
