"Qańtar qyrǵynan" keıin kózden tasa bolǵan Darıǵa Nazarbaeva elordada júr, dep habarlaıdy "Adyrna" ulttyq portaly.
Ol 26-27 tamyzda Nur-Sultan qalasyndaǵy "Astana Arena" stadıonynda Aısultan Rahatty eske alýǵa arnalǵan "AR Cup 2022" jyl saıynǵy balalar qaıyrymdylyq fýtbol týrnıriniń jeńimpazdaryn marapattady.
Ktk.kz habarlaýynsha, Aısultan Rahatty eske alý týrnıri jyl saıyn uıymdastyrylady. 9-11 jas aralyǵyndaǵy jetkinshekter ózara baq synasyp, «Astana arenada» Nur-Sultan, Almaty, Qaraǵandydan kelgen kishkentaı sportshylar ishinen chempıondar anyqtaldy. Olar «Armanda! Dos bol! Oına!» uranymen match ótkizdi. Oǵan Qazaqstan birinshiligine jasy jetpeıtin, on bir jasqa deıingi órender qatysady. Byltyr jarysqa tek astanalyq komandalar qatyssa, bıyl oǵan úsh qaladan 10 komanda kelgen. Osylaı jyl saıyn toptardyń sany arta bermek.
"Adyrna" ulttyq portaly
