Almatydaǵy áıgili baraholka dinı fanatıkterdiń baqylaýynda sııaqty. «Baısat» bazarynda kúzetshi bolyp, jumys isteıtin tanysym aılyq alý úshin quran súreleri men aıattardy jatqa bilýiń kerek dep aıdy aspanǵa biraq shyǵardy. Iaǵnı, aı saıyn jalaqynyń ýaqyty jaqyndaǵanda bazarǵa molda kelip kúzetshilerden emtıhan alady eken. Kimde kim súre nemese aıattan shatassa, aılyǵynan 5 myń teńge ustap qalady deıdi. 4 ret qatelesseń jalaqyńnan 20 myń teńge joq degen sóz.
Eń soraqysy jıi qateleskenderdi birden jumystan shyǵaryp jiberedi eken.
Bárimiz biletin Fatıha men Baqara emes eń qıyn, qarılar ǵana jatqa soǵatyn súrelerdi suraıdy deıdi tanysym. Keı dybystarǵa tiliń kelmeı shatassań, moldekeń aıqaılap, áńgir taıaq oınatady eken. Jasy egde tartqan kúzetshiler birazyn jattap alǵan. Al, otbasyn asyraý úshin 2-3 jerde jumys isteıtin jastarǵa obaldy dep otyr tanys aǵam.
Kúzetshilerden synaq alatyn molda Jańaturmys meshitinen keledi eken-mys. Oǵan bazar basshylary kádimgideı aılyq tóleıdi. Ol azdaı barlyq kúzetshilerdi namaz oqýǵa májbúrleıdi eken. Burynnan kele jatqan bul ereje qańtardaǵy qyrǵynnan keıin sap tyıylǵan. Biraq sońǵy 1-2 aıda qaıta bastalypty. Kúzetshiler Jańaturmystan keletin jańa molda qatal dep ashynyp otyr.
Biraq osy máseleniń bárin ashyq aıtýǵa, jýrnalısterdi shaqyryp, shýlatýǵa qorqady. Birinshiden, jumystan shyǵaryp jiberýi múmkin. Ekinshiden, bul bazar Muhamedjan Tazabekpen birge sapasyz sýretke túsip qalǵan álgi kisiniki kórinedi. Sondyqtan ol qamaýda jatsa da áli qaýqary kúshti dep qorqady.
Abzal Quspan, Nurjan Úsıpbekov, jumysshylardy quran jattatyp namaz oqýǵa májbúrleý qanshalyqty zańdy?
Aǵabek Qonarbaıuly, dinı basqarma tarapynan kúzetshilerdiń myna janaıqaıyna ne aıtasyzdar? Zaıyrly memlekette kez kelgen azamattyń dinı nanym-senimine eshkimniń qol suǵýyna jol berilmeýi tıis qoı. Sosyn Jańaturmys meshitiniń moldasy degendi de tekserip kórseńizder. Bálkim ımam degen atty jamylyp júrgen múftııatqa qatysy joq bireý shyǵar?!
