Nur-Sultan men Almaty qalasyndaǵy kóshelerdiń birine memleket jáne qoǵam qaıratkeri Altynbek Sársenbaıulynyń esimi berilýi múmkin. Bul týraly óner zertteýshisi, fılologııa ǵylymynyń kandıdaty Saǵatbek Medeýbekuly aıtty, dep habarlaıdy «Adyrna» tilshisi.
Qoǵam belsendisi buǵan deıin ákimdikterge hat joldaǵan.
«Qadirli dostar! Sizderdi qýantaıyn. Búgin 1414 arqyly hat keldi. Almaty qalasynyń ákimdiginiń ótkende ózderińizge aıtqan hatqa jaýaby bar. Jaýapta «bolmaıdy» degen sóz joq. Soǵan qaraǵanda Altynbek arystyń da atynda Qudaı qalasa, kóshe bolady. Dál sondaı hat-jaýap Nur-Sultan qalasynyń ákimdiginen de keldi. Taǵy bir aýyzsha aıtylǵan jaqsy habar Altynbek Sársenbaıulynyń esimi ózi oqyǵan mektepke beriletin bolypty!»—dedi ol.
