Jaqynda QR UEM Tabıǵı monopolııalardy retteý komıtetiniń Qaraǵandy oblysy boıynsha departamentiniń qyzmetkeri Sultan Turysbekuly BAQ ókiline memlekettik tilde jaýap berýden bas tartqany týraly aqparat shyqqan edi. Osy oqıǵaǵa baılanysty Tabıǵı monopolııalardy retteý komıtetiniń ókilderi jaýap berdi, dep habarlaıdy «Adyrna» tilshisi.
«QR UEM Tabıǵı monopolııalardy retteý komıteti óz kezeginde TMRK-nyń aýmaqtyq departamenti qyzmetkeriniń mundaı minez-qulqy qabyldaýǵa kelmeıdi jáne memlekettik qyzmetshiniń mártebesine nuqsan keltiredi dep esepteıdi.
Osyǵan baılanysty, Qaraǵandy oblysy boıynsha TMRKD basshysynyń 2022 jylǵy 27 tamyzdaǵy buıryǵymen Qaraǵandy oblysy boıynsha TMRKD qyzmetkeri, bas maman Sultan Turysbekuly Sadyrbaev sógis túrinde tártiptik jaýapkershilikke tartyldy»,– delingen habarlamada.
Aıta keteıik, beınejazbada orys tilinde sóılep otyrǵan komıtet mamany qazaq tilinde saýal joldaǵan jýrnalıstke memlekettik tilde jaýap berýden bas tartady.
«Pojalýısta, ne ýstraıvaete zdes balagan»,– deıdi ol.
