«Shyǵys Zapad» dırektory 161 mln teńgeden astam bıýdjet qarajatyn jymqyrǵan. Bul týraly QMA Qostanaı oblysy boıynsha departamenti agroónerkásip keshenindegi sýbsıdııalardy urlaý faktisin anyqtady, dep habarlaıdy "Adyrna" ulttyq portaly.
«Shyǵys Zapad» JShS dırektory Netesov A.A., sonymen qatar Ánýarbekov J.A. jáne Asanov D.M., 2018-2019 jyldar aralyǵynda memlekettik baǵdarlama aıasynda oblystaǵy sharýa qojalyqtarynyń basshylaryn aldap, 161 mln teńgeden astam bıýdjet qarajatyn jymqyrǵan", – delingen habarlamada.
Memlekettiń agroónerkásiptik keshen sýbektilerine ınvestıııalyq sýbsıdııa retinde bólgen aqshasy kelesi shema boıynsha urlyq nysanasyna aınaldy: tulǵalar fermerlermen ózderi habarlasyp, olardyń atynan ótinishter men qarjylyq qujattardy toltyrdy, olarda jaıylymdyq sýarý úshin jetkizilgen tehnıkanyń baǵasy eki esege kóterilip, aıyrmasy urlanǵan.
Sot bul is boıynsha barlyq aıyptalýshylardy quqyq buzýshylyq jasaǵany úshin kináli dep tanyp, 5 jáne 6 jylǵa bas bostandyǵynan aıyrdy jáne sot zalynda qamaýǵa alyndy.
