2023-2025 jyldarǵa arnalǵan respýblıkalyq bıýdjet týraly zań jobasy jarııalandy, dep habarlaıdy «Adyrna» tilshisi.
2023 jylǵy 1 qańtardan bastap tómendegideı ózgerister kútilip otyr:
eń tómengi jalaqy 60 000 teńge;
aılyq eseptik kórsetkish (AEK) – 3 450 teńge (járdemaqylardy jáne basqa da áleýmettik tólemderdi esepteý, sondaı-aq ósimpuldardy, salyqtardy jáne basqa da tólemderdi qoldaný úshin);
memlekettik bazalyq zeınetaqy tóleminiń eń tómengi mólsheri – 21 907 teńge;
eń tómengi zeınetaqy – 53 076 teńge;
bazalyq áleýmettik tólemderdiń mólsherin esepteý úshin eń tómengi kúnkóris deńgeıi – 40 567 teńge.
«Jasyna baılanysty zeınetaqy tólemderine jáne eńbek sińirgen jyldary úshin zeınetaqy tólemderine jumsalatyn qarajat 2023 jylǵy 1 qańtardan bastap olardyń mólsherlerin 10,5 paıyzǵa kóterý eskerile otyryp kózdelgen dep belgilensin. 2023 jylǵy 1 qańtardan bastap áleýmettik medıınalyq saqtandyrý qoryna tóleýge jatatyn mindetti áleýmettik medıınalyq saqtandyrýǵa memleket jarnalarynyń mólsheri memleket jarnalaryn esepteý obektisinen 1,8 paıyz bolyp belgilensin»,- delingen qujatta.
Aıta keteıik, zań jobasy 2022 jylǵy 8 qyrkúıekke deıin qoǵamdyq talqylaý úshin Ashyq NQA veb-saıtynda ornalastyryldy.
