Densaýlyq salasynyń bylyǵy aldaǵy bir jıyrma jylda durys sheshimin tappasyna jurttyń pikirlerinen kóz jetkizdim. Neshe túrli sumdyq bolyp jatyr eken ǵoı.
Bizdiń qyzymyzdyń bir búıregin kishkentaı kezinde alyp tastaǵan. Negizi bir búırekpen múgedektik taǵaıyndalýy kerek. Jáne jarty jyl saıyn tekserilip, em alyp turýy kerek. Biraq "qursyn qoıshy" deı beretin qazaqpyz, "qursyn, qudaı jar bolsyn" dep múgedek degen aty aýlaq dep, sony rásimdeýdi jaıyna qoıa saldyq. Oǵan qosa álgi ári-beri júgiristen sharshadyq. Quddy alyp tastaǵan búırek kelesi jyly qaıta ósip ketetin sııaqty jyl saıyn búıregiń joq ekenin dáleldeýiń kerek. Tuqymy qursyn, ony dáleldep bitemin degenshe, álemdegi eń sorly adam bolyp ketesiń. Oǵan qosa, sol bir "úkimettiń beretin bes tıynyna bola qaıyrshylanyp" júgirip júrgeniń úshin aıap qaraıtyn kózder bar. Taza kemsitip turady ǵoı. Bala baqylaýda bolsyn dep júgirip júr-aý degen oı mıyna da kirip shyqpady ǵoı eshkimniń.
Bizdiki shúkir, al aýrý ekeni syrt kózge kórinip turatyn ata-analardy, balalardy kemsitý týraly aıtpaı-aq qoısa da bolady. Áleýmettik jeliden kómek suraǵan balalarǵa az da bolsa aqsha salyp turatyn edim, qazir onyń ózin kúmándanyp aýdaratyn boldyq. Sebebi qymbatshylyq kádimgideı qaltany tyqyrlatyp bara jatyr.
Al júıeleneıin degen densaýlyq salasy joq. Erteń atamyzǵa koronografııa jasatý úshin portalǵa qoıýǵa qujat jınaýdy bastaımyz. Qandaı joldardan óterimizdi elestetip otyrǵan bolarsyzdar. Halyqtyń densaýlyǵy nashar, óte nashar. Keıbireýler "qatty aýyrǵanda jedel járdem alady ǵoı" dep qoıady. Qatty aýyrýǵa jetkizbeı emdelýge bolmaı ma? Halyq zar eńirep otyr, estıtin úkimet kereń.
