«DATÜB» qoǵamdyq birlestigi ókilderimen kezdesý ótti

149
Adyrna.kz Telegram

  Aǵymdaǵy jyldyń jıyrmasynshy shildesinde Dostyq úıinde «DATÜB» halyqaralyq QB belsendileri Jambyl oblysynda turatyn túrik etnosynyń ókilderimen kezdesti.

  Is-sharaǵa tóraǵa Mahmýtjon Davrıshev bastaǵan «Ahyska» túrik etnomádenı ortalyǵy» respýblıkalyq QB Jambyl oblystyq fılıalynyń ókilderi, «DATÜB» halyqaralyq QB basshylyǵy men belsendileri, osy uıymnyń tóraǵasy Zııatdın Kassanov qatysty.

  Kezdesý barysynda qatysýshylar kóshi-qonǵa, azamattyqqa, bilim alýǵa qatysty suraqtar qoıyp, olarǵa tolyqqandy  jaýaptar berildi.

  «DATÜB» halyqaralyq qoǵamdyq uıymynyń maqsattarynyń biri ózekti máselelerdi birlesip sheshý, ózara kómek kórsetý, jan – jaqty qoldaý bar ekenin atap ótken jón. Atalǵan uıym jáne «Ahyska» túrik etnomádenı ortalyǵy» respýblıkalyq QB Jambyl oblystyq fılıaly Jambyl oblysy QHA ǵylymı-saraptamalyq tobynyń múshesi Dýnııadar Abdýllaevqa «Ambýlatorııalyq gemodıalızdegi naýqastyń ústel ústi kitaby» avtorlyq týyndysyn shyǵarýǵa kómektesti. Avtor kórsetilgen kómek pen qoldaý úshin alǵysyn bildirdi.

  Is-shara barysynda «Ahyska» túrik etnomádenı ortalyǵy» respýblıkalyq QB Jambyl oblystyq fılıalynyń tóraǵasy Mahmýtjon Davrıshevke Jambyl oblysy ákiminiń atynan alǵys hat tabystaldy.

  Jambyl oblysy ákimdigi ishki saıasat basqarmasynyń «Qoǵamdyq kelisim» KMM basshysy Parıda Mamedova qonaqtarǵa belsendi jumysy úshin alǵys aıtyp, syı-sııapattar tabys etti. Is-shara estelik fotosessııamen aıaqtaldy.

Pikirler
Redakııa tańdaýy