Almatyda ulttyq ulan sarbazy ózin-ózi atyp tastady, dep habarlaıdy «Adyrna» tilshisi.
«22 tamyz kúni saǵat 15.15-ter shamasynda qyzmettik mindetin oryndaý kezinde kelisim shart boıynsha 2001 jyly týǵan áskerı qyzmetshi Sabyrov Abylaı Berikuly 3650 áskerı bóliminde Almaty qalasynda ózine bekitilgen tapanshamen ózin-ózi atyp, alǵan jaraqatynyń nátıjesinde qaıtys boldy.
Quqyq qorǵaý organdary qajetti tergeý áreketterin júrgizýde. Bolǵan oqıǵanyń sebepteri men mán-jaılaryn anyqtaý úshin qyzmettik tergeý taǵaıyndaldy.
Qazaqstan Respýblıkasy Ulttyq ulanynyń Bas qolbasshylyǵy men "Ońtústik" óńirlik qolbasshylyǵy áskerı qyzmetshi Abylaı Sabyrovtyń týǵan-týystary men jaqyndaryna qaıǵyryp kóńil aıtady»,— dep túsindirdi QR Ulttyq ulany «Ońtústik» Óńirlik qolbasshylyǵynyń baspasóz qyzmeti.
