Aqtóbede endi qańǵybas ıtter ýaqytsha ustaý ızolıatoryna qamalatyn bolady. "Janýarlarǵa jaýapkershilikpen qaraý" týraly jańa zańǵa sáıkes budan bylaı mundaı ıt-mysyqtar 15 kún ustalatyn bolypty, dep habarlaıdy «Adyrna» tilshisi Informbıýroǵa silteme jasap.
Sheneýnikter ýaqytsha qamaýdan bosatylǵan tóbetterdiń adamdardy talamaıtynyna kepildik bermese de olardy aldymen zorlyqshylarǵa qoldanylatyn tásil, ıaǵnı ıt-mysyqtardy kastraııalaǵannan keıin ǵana kóshege jibermek. Budan bólek oblystyq veterınarııa basqarmasy ıesiz ıt-mysyqtardy aýlap, pishtirý úshin jergilikti bıýdjetten 119 mıllıon teńge bólýdi suraǵan. Alaıda turǵyndar aýlanǵan qańǵybas ıtterdi kóshege qaıta jiberýge qarsylyq bildirip otyr.
4 naýryzdan bastap kúshine engen "Janýarlarǵa jaýapkershilikpen qaraý" týraly jańa zań boıynsha, kóshedegi ıesiz ıtter ýaqytsha 15 kúnge qamalyp, sol jerden pishtirilip, ekpe alyp qaıta erikterine jiberiledi. Alaıda aqtóbelikter adamdarǵa, onyń ishinde balalarǵa jıi atylatyn buralqy ıtterdi aýlanǵannan keıin bostandyqqa qaıta jiberýge bolmaıdy deıdi.
Osy rette mamandar qańǵybas ıtter endi sebepsiz atylmaıtynyn aıtady. Tek ýaqytsha ustaý ızolıatoryna ákelingen ıtterdiń arasynda agressııa kórsetkeni bolsa, ne aýrý tabylsa ǵana jansyzdandyrylady deıdi. Ázirge Aqtóbede ıtterge arnalǵan ýaqytsha ustaý orny joq.
