Shymkenttik túlek, «Altyn belgi» ıegeri Aıbek Berdihan álemniń 28 ýnıversıtetinen shaqyrtý aldy, dep habarlaıdy «Adyrna» tilshisi.
Bıyl 125 High School mektebin aıaqtaǵan jas darynǵa álemniń 7 eliniń JOO-sy tegin oqý múmkindigin syılaǵan.
«Atap aıtsam, AQSh, Ulybrıtanııa, Túrkııa, Polsha, Vengrııa, BAÁ jáne Kıprde ornalasqan 28 ýnıversıtetten shaqyrtý aldym. 4 memleket birden oqýǵa qabyldaıtynyn málimdedi. Jeńgen granttar quny 700,000 AQSh dollaryn quraıdy. Sondaı-aq AQSh-taǵy Wabash jáne North Central ýnıversıtetteri prezıdenttik granttaryn usyndy»,– dedi bilimger «Adyrna» tilshisine bergen suqbatynda.
Aıbek Berdihan ekonomıka salasynyń bilikti mamany bolýdy armandaıdy. Ol artynan ergen jas túlekterge óz aqyl-keńesin de aıtty.
«Qazirgi zamannyń talaby – jan-jaqty bolý. Sondyqtan soǵan ilesý qajet. Erte jastan aǵylshyn tilin úırengenderińiz abzal»,— dedi jas túlek.
