Áskerde «betashar» ótkizgen sarbazdar eldiń ashýyn týdyrdy (VIDEO)

2461
Adyrna.kz Telegram

Áleýmettik jelide taralǵan vıdeoda áskerıler úsh sarbazdy ortaǵa alyp, bireýi jańa túsken kelindeı kópshilikke sálem salyp jatyr, dep habarlaıdy "Adyrna" ulttyq portaly Ekspress K saıtyna silteme jasap.

Beınejazbanyń naqty qashan jáne qaı jerde túsirilgeni belgisiz. Vıdeoda bir top sarbaz ǵımarattyń ishinde "betashar" rásimin ótkizýde. Jas kelin men ony qoltyqtap turǵan eki jeńgesiniń rólinde sarbazdar tur. Kadr syrtyndaǵy asaba dombyramen ándetip, "kelinge" jańa týystaryn tanystyrýda. Basqa sarbazdar ortaǵa qoıylǵan áskerı bas kıimge aqsha tastap, máz bop jatyr. Sarbazdardyń kóńili kóterińki ekeni baıqalady.

Sarbazdardyń bul áreketi kópshiliktiń ashý-yzasyna tıdi. "Qazirgi bizdiń áskerdiń sıqy osy", " Uıatsyzdar", "El qorǵaı ma desek, mynalardyń istep júrgeni mynaý" degen syńaıdaǵy pikirler kóptep kezdesedi.

Keıbir qoldanýshylar bul áskerdegi álimjettiktiń saldary da bolýy múmkin dep topshylapty. "Qaı bala kelinshek bolǵysy keledi. Osylaı jalǵasa beredi, ólmegende ne isteıdi?" deıdi jurtshylyq. Sondaı-aq vıdeodaǵy kórinisti jáı ázil, kóńil kóterý úshin jasalǵan dúnıe ekenin aıtqandar da bar.

"Adyrna" ulttyq portaly 

Pikirler