Kásipker Aqjol Talǵatuly áleýmettik jelini shýlatyp kompanııadaǵy barlyq áıelderdi jumystan shyǵarǵanyn málimdedi, dep habarlaıdy “Adyrna” ulttyq portaly.
«Cońǵy kúnderi meniń oqyrmandarymdy tańǵaldyrǵan eń úlken jańalyq – qyz balalardyń barlyǵyn jumystan shyǵarǵanym. Bizdiń kompanııada 22 adam boldy. Qazir tek bes adam qaldy jáne onyń bári uldar. Bul qyzdardyń quqyǵyn shekteý me? Joq. Bilesizder, meniń túsinigimde, mal tabýmen er adam aınalysýy kerek», – deıdi ol.
Onyń oıynsha, qyz balanyń óz jeter muraty bar. Jumysty er adam isteýi kerek.
«Qyz bala odan joǵary. Endi qarańyz, men ony jumystan shyǵardym. Múmkin, ol basqa jaqqa baryp báribir jumys jasaıdy ǵoı degen oı týýy múmkin. Biraq bul proesti bireý bastaý kerek qoı. Bir er adam bastaýy kerek. Ekinshiden, sol men jumystan shyǵarǵan qyzdardyń ómir tarıhynda, oıynda «sen mundaı jumyspen aınalyspa, sen odan joǵarysyń dep» qalý kerek. Kezinde jumystan shyǵarǵan degen oqıǵany sol qyzdar keıin tarıh qyp aıtyp otyratyn bolady. Osylaı ózgeris bastamasy bolsyn dep, er adamdardy eńbekke shaqyryp, al qyz balalardy óziniń muratyna arnaý maqsatynda osyndaı ustanymymyzdy biz iske asyra bastadyq», – degen ol vıdeoda.
Advokat Janna Muhamadı jumystan bosatylǵan áıelderge ony sotqa berýge keńes berdi.
«Men bul qyzdardy taýyp, konstıtýııalyq quqyqtarynyń buzylýy boıynsha osy kásipkerdi sotqa bergim keledi. Tegine, áleýmettik, laýazymdyq jáne múliktik jaǵdaıyna, jynysyna, násiline, ultyna, tiline, dinge kózqarasyna, nanymyna, turǵylyqty jerine baılanysty nemese kez kelgen ózge jaǵdaıattar boıynsha eshkim eshkimdi kemsitýine bolmaıdy»,– dep jazdy advokat áleýmettik jelidegi paraqshasynda.
«Eń jamany, ol barsha kásipkerlerdi áıelderdiń bárin jumystan shyǵarý kerek degen maǵynadaǵy bir fleshmobqa shaqyryp otyr. Búginde Aýǵanstan áıelderiniń bilim alý men jumys isteý quqyǵy shektelgen, ony qorǵaımyn degenderin atyp óltirip jatyr. Al Qazaqstanda áıelder jumys isteı almaýy úshin olardyń jumystan shyǵaryp jiberdi. Sáıkestik tym kóp emes pe?» – dep jazdy advokat.
“Adyrna” ulttyq portaly
