Aımaǵambetov: Bala aldymen óz tilinde oqyp, jaza bilýi tıis!

1708
Adyrna.kz Telegram

"Bala aldymen óz tilinde oqyp jáne jaza bilýi tıis". Bul týraly Úkimet otyrysynda  Oqý-aǵartý mınıstri Ashat aımaǵambetov aıtty, dep habarlaıdy "Adyrna" ulttyq portaly baq.kz-ke silteme jasap. 

Jańa oqý jylynda mektepterge qatysty birqatar jańashyldyq engizildi. Birinshiden, arnaıy zertteýler men saraptamalardyń qorytyndysyna sáıkes 1-synyp oqýshysyna úsh tildi birden meńgerý qıyn ekeni anyqtaldy. Bala aldymen óz tilinde oqyp jáne jaza bilýi tıis. Osyǵan oraı, biz qazaq tildi mektepterde 1-synyp oqýshysyn tek qazaq tilinde oqytýdy, al orys tildi meketepterde qazaq tili men orys tilin oqytý týraly sheshim qabyldadyq, - dedi ol. 

Aımaǵambetov ataǵandaı, qazaq tildi mektepterde ekinshi synyptan bastap orys tili engiziledi, al aǵylshyn tili barlyq mektepterde úshinshi synyptan bastalady.

Sonymen birge «Eńbekke baýlý» jáne «Beıneleý óneri» pánderi 1-shi synyptan  bastap engizildi. Mýzyka pániniń aıasynda 6-synyp oqýshylary óz qalaýymen dombyra aspabynda oınaýdy úırene  alady. Mektepterde qosymsha fakýltatıv esebinen shahmatty damytýǵa múmkindik beriledi. Menedjementti jáne mekteptegi kadr sapasyn kúsheıtý úshin de ózgerister engizildi, - dedi Aımaǵambetov. 

Ol ataǵandaı, bıyl  bilim berý uıymdarynyń basshylaryn rotaııalaý  ınstıtýty engizildi.

Qazirdiń ózinde 431 dırektor rotaııadan ótti. Pedagogterdi jumysqa qabyldaýdyń jańa qaǵıdalary da iske asyrylyp jatyr. Jumysqa qabyldaý endi konkýrs boıynsha pedagogtiń bilimi, eńbek ótili, biliktilik sanaty jáne kásibı jetistikteri sııaqty krıterıılerdiń negizinde júrgiziledi. Buǵan qosa pedagogterdi Ulttyq biliktilik testileý arqyly jumysqa alý tártibi qabyldandy. Iaǵnı endi dıplomnyń ǵana negizinde emes, qosymsha óz páni boıynsha testileýden ótkenderdi ǵana mektepke jumysqa qabyldaımyz, - dedi ol.

"Adyrna" ulttyq portaly 

Pikirler
Redakııa tańdaýy