Búgin Oral qalalyq mamandandyrylǵan tergeý sotynda kásipkerdi óltirgen 31 jastaǵy Rýslan Qojantaev pen 21 jastaǵy Turlan Amangeldige qatysty bultartpaý sharasyn tańdaý týraly ótinish qaraldy. Bul týraly «Moı gorod» portaly jazdy, dep habarlaıdy «Adyrna» tilshisi.
Is materıaldarynan belgili bolǵandaı, kúdiktiler 6 tamyz kúni «Rahat Lýkým» karaoke meıramhanasynyń ǵımaratynda bolyp, mekeme ıesi Erkin Muhanǵalıevpen kezdesken. Olardyń arasynda janjal týyndap, Qojantaev jınalmaly pyshaǵymen onyń moıyn jáne keýde tusynan kem degende úsh ret soqqy bergen. Osy kezde jaqyn jerdǵ turǵan T. Amangeldi de pyshaq shyǵaryp, mekeme ákimshiligine baratyn joldy jaýyp, qyzmetkerlerdi qorqytqan.
«Marqum aman qalý úshin ashyq terezeden sekirýge tyrysqan. Osy ýaqytta Qojantaev onyń bel aımaǵyna taǵy birneshe ret soqqy jasady. Odan keıin jaralanǵan Muhanǵalıev ortalyq stadıonǵa qarama-qarsy turǵan turaqqa júgirdi. Kúdiktiler er adamdy qýyp jetip, denesiniń ár jerinen birneshe ret tepkilegen. R. Qojantaev kásipkerge taǵy alty ret pyshaq suǵyp alady.
Muhanǵalıev alǵan jaraqattarynan oqıǵa ornynda kóz jumdy. Kúdiktiler oqıǵa ornynan qashyp ketken»,— dedi prokýror.
Kásipkerdiń ólimine moıyn, keýde, bel aımaǵynyń pyshaq jaraqattary, sol jaq uıqy arterııasynyń, oń búırektiń zaqymdanýy, mańdaı súıekteriniń synýy sebep bolǵan.
Memlekettik aıyptaýshy sottan PD tergeýshisiniń ótinishin qanaǵattandyryp, Qojantaev pen Amangeldini eki aıǵa qamaýǵa alýdy sankııalaýdy surady.
Rýslan Qojantaev tergeý dálelderimen kelispeıtinin jetkizip, eki áıeli (bireýi júktiliktiń sońǵy aıynda), balalary jáne úıi bar ekenin aıtty. Er adam sottan ózin eki aıǵa qamaýǵa almaýdy surady.
Al Turlan Amangeldi sotta Rýslan Qojantaevtyń qysym kórsetkenin, sol kúni ózimen birge barýǵa májbúrlegenin málimdedi.
Sýdıa Rýslan Qojantaev pen Turlan Amangeldi eki aıǵa qamaýǵa alyndy.
Aıta keteıik, eki kúdikti buryn sottalmaǵan.
