TürkPA-nyŋ otyrysy şeŋberınde Qūryltai Töraǧasy Aibek Dädebai Qyrǧyzstan Jogorku Keneşınıŋ Töraǧasy Marlen Mamatalievpen kezdestı.
Aibek Dädebai ärıptesın Qyrǧyzstan Täuelsızdıgınıŋ 35 jyldyǧymen qūttyqtap, qonaqjai peiılı üşın rizaşylyq bıldırdı. Sondai-aq Qyrǧyzstan Parlamentımen ekıjaqty qarym-qatynasty Parlamentaralyq yntymaqtastyq jönındegı keŋes, dostyq toby jäne salalyq komitetter aiasynda barlyq deŋgeide odan ärı damytu Qūryltai üşın erekşe maŋyzdy ekenın atap öttı.
– Prezidentterımız Qasym-Jomart Kemelūly Toqaev pen Sadyr Nūrǧojaūly Japarovtyŋ saiasi erık-jıgerı men syndarly saiasatynyŋ arqasynda elderımız arasyndaǧy qarym-qatynas qarqyndy damyp keledı. Būl Qazaqstan Respublikasy men Qyrǧyz Respublikasy arasyndaǧy odaqtastyq qatynastardy tereŋdetu jäne keŋeitu turaly şartta körınıs tapty. Bügıngı maqsatymyz – Prezidentterımızdıŋ uaǧdalastyqtaryn zaŋnamalyq tūrǧydan qamtamasyz etu, – dep atap öttı Qūryltai Töraǧasy.
Aibek Dädebai qyrǧyz ärıptesıne Memleket basşysynyŋ bastamasymen Qazaqstanda jürgızılıp jatqan auqymdy saiasi jäne konstitusiialyq reformalar turaly aqparat berdı. Jaŋa Halyqtyq Konstitusiiaǧa säikes, bır palataly Qūryltai, Vise-prezident instituty jäne mülde jaŋa konsultativtık organ – Qazaqstan Halyq Keŋesı qūryldy.
Öz kezegınde Marlen Mamataliev Qazaqstan men Qyrǧyzstan basşylarynyŋ ekıjaqty negızde de, köpjaqty alaŋdarda da özara tüsınıstıgı men tabysty ıs-qimylyn atap öttı. Jogorku Keneştıŋ Töraǧasy qazaqstandyqtardy jürgızılgen reformalarǧa qatysty qūttyqtap, Qūryltai deputattaryna jemıstı jūmys tıledı.
Taraptar zaŋ şyǧaru qyzmetındegı täjıribe almasudy odan ärı keŋeitu, türlı parlamentaralyq ūiymdar men halyqaralyq bırlestıkter aiasyndaǧy bırlesken jūmysty küşeitu mäselelerın de talqylady. Muzyka, teatr, kino jäne sportty qosa alǧanda, mädeni-gumanitarlyq saladaǧy yntymaqtastyqty damytuǧa da erekşe nazar audaryldy.
