Astanadaǧy №99 mekteptıŋ direktory äleumettık jelıde oquşylardyŋ garderobtaǧy keptelısı tüsırılgen beine taraǧannan keiın qyzmetınen bosatyldy. Būl turaly qalalyq bılım basqarmasy aitty, dep habarlaidy «Adyrna» tılşısı.
Balalardyŋ jappai jinaluyna ekınşı auysym sabaqtarynyŋ kestesı sebep bolǧan. Bır mezette jetı synyptyŋ sabaǧy aiaqtalyp, oquşylar syrt kiımderın aluǧa garderobqa barǧan.
Ata-analardyŋ aituynşa, mūndai jaǧdailar mektepte jiı qaitalanady. Ötınışterdıŋ bırınde oquşylardyŋ bırı esınen tanyp qalǧany aitylǧan. Alaida tekseru barysynda būl aqparat rastalmady.
«Beinebaqylau kameralaryndaǧy jazbalardy zerdeleu nätijesınde oquşynyŋ esınen tanyp qūlaǧany turaly aqparat rastalmady. Mektep direktory atqaryp otyrǧan qyzmetınen bosatyldy», – dep habarlady memlekettık organ.
Oqiǧadan keiın mektepte garderob maŋyndaǧy qyzmetkerlerdıŋ kezekşılıgı küşeitılıp, oquşylardyŋ qauıpsız qozǧaluyn qamtamasyz etu üşın qosymşa şaralar qabyldanǧan.
