Foto: Anadolu
İran bilıgı AQŞ-tyŋ irandyq äue kompaniialaryna engızgen şekteulerıne bailanysty Halyqaralyq azamattyq aviasiia ūiymyna (ICAO) resmi narazylyq joldady. Būl turaly İran Azamattyq aviasiia ūiymynyŋ basşysy Abuzar Şirudi mälımdedı, dep habarlaidy "Adyrna".
Onyŋ aituynşa, Tegeran ICAO-ǧa joldaǧan şaǧymynda eldıŋ zaŋdy qūqyqtaryn qorǧaudy jäne AQŞ tarapynan engızılgen şekteulerge qarsylyq bıldırudı közdegen.
Şirudi narazylyqtyŋ «zaŋdy qūqyqtardy qorǧau jäne zaŋsyz şekteulerge qarsy tūru» maqsatynda jıberılgenın atap öttı.
Būǧan deiın AQŞ Qarjy ministrı Skott Bessent İrannyŋ aviasiialyq sektoryna qatysty jaŋa şekteuler engızıletının mälımdegen bolatyn. Onyŋ aituynşa, 23 qyrküiekten bastap irandyq äue kompaniialarynyŋ ūşuyna mümkındık berılmeidı. Sonymen qatar, olarǧa äuejailarda jerüstı qyzmetterı körsetılmeuı mümkın.
İran tarapy būl şekteulerdı zaŋsyz dep sanap, halyqaralyq aviasiia salasyndaǧy öz qūqyqtaryn qorǧau üşın ICAO-ǧa jügındı.
Halyqaralyq azamattyq aviasiia ūiymy – azamattyq aviasiia salasyndaǧy halyqaralyq standarttar men qaǧidalardy äzırleitın BŪŪ-nyŋ mamandandyrylǧan mekemesı.
