Qazaqstannyŋ tūŋǧyş prezidentı Nūrsūltan Nazarbaevtyŋ 21 jastaǧy ūly Tauman Särsembaevtar äuletımen qūda bolǧaly otyr, dep habarlaidy "Adyrea" tılşısı Ūlysmediaǧa sıltep.
Basylymnyŋ mälımetınşe, Tauman Nazarbaevtyŋ qalyŋdyǧy — industriia jäne infraqūrylymdyq damu ministrınıŋ būrynǧy orynbasary Ädılbek Särsembaevtyŋ qyzy Aidana Särsembaeva. Ol 2004 jylǧy 24 jeltoqsanda düniege kelgen.
Ädılbek Särsembaev 48 jasta, Astanada tuǧan. Mamandyǧy boiynşa zaŋger, saiasi ǧylymdar kandidaty. Ol memlekettık qyzmette, Astana qalasy äkımdıgınde, Prezident Äkımşılıgınde jäne «Qazaqstan injiniring» ūlttyq kompaniiasynda qyzmet atqarǧan.
Särsembaev 2020 jyly «Qazaqstan injiniring» kompaniiasynyŋ basqarma töraǧasy bolyp taǧaiyndaldy. 2021 jyly İndustriia jäne infraqūrylymdyq damu vise-ministrı qyzmetıne kelıp, 2022 jylǧy tamyzǧa deiın osy lauazymda jūmys ıstedı.
Basylym mälımetınşe, Tauman men Aidananyŋ üilenu toiyn Astanadaǧy The Ritz-Carlton qonaqüiınde ötkızu josparlanǧan.
Sonymen qatar Ädılbek Särsembaevtyŋ esımı būǧan deiın bırqatar qylmystyq ısterge qatysty atalǧan. 2025 jyldyŋ soŋynda oǧan qatysty sotaldy tergeu bastalǧany habarlandy. Alaida naqty qandai bap boiynşa tergeu jürgızılıp jatqany jariialanbaǧan.
Būǧan deiın Särsembaevtyŋ aty qorǧanys salasyna qatysty 607,7 million teŋgenıŋ ūrlanuy jönındegı qylmystyq ıs boiynşa sot materialdarynda atalǧan. Sot ony qarajatty jymqyru ısıne qatysuşy dep tanymaǧan.
