Kökşetau qalasynda 630 orynǧa arnalǧan jaŋa köpsalaly auruhananyŋ qūrylysy jalǧasuda.
Nysannyŋ qūrylysy Prezident Qasym-Jomart Toqaevtyŋ tapsyrmasy boiynşa jüzege asyryluda jäne Aqmola oblysy men bükıl Soltüstık makroöŋır üşın strategiialyq maŋyzy bar.
Joba qabyldau-diagnostikalyq qyzmetterdı, şūǧyl medisinalyq kömektı, hirurgiialyq jäne terapiialyq bölımşelerdı, reanimasiia jäne qarqyndy terapiia bölımşelerın, sondai-aq qalpyna keltıru emı jäne oŋaltu qyzmetterın bır keŋıstıkte bırıktıretın bıryŋǧai zamanaui medisinalyq keşen retınde ıske asyryluda.
Aumaǧy 111 myŋ şarşy metrden asatyn nysan Saryarqa şaǧyn audanyndaǧy 17 gektar jer telımınde salynyp jatyr.
Bügıngı taŋda auruhananyŋ daiyndyǧy 74%-dy qūraidy. Alaŋda 2300-den astam jūmysşylar jäne 50-den astam tehnika jūmys ısteude.
Qūrylysty 2027 jyldyŋ ekınşı toqsanynda aiaqtau josparlanǧan.
Jaŋa auruhana qoldanystaǧy oblystyq auruhananyŋ ornyn basyp, 28 klinikalyq bölımşenı bırıktıredı.
Jaŋa auruhanany paidalanuǧa beru jergılıktı jerde mamandandyrylǧan jäne joǧary tehnologiialyq medisinalyq kömek körsetu mümkındıkterın edäuır keŋeituge, sondai-aq pasientterdıŋ basqa öŋırlerge mäjbürlı joldamalaryn qysqartuǧa mümkındık beredı.
Qūrylys jūmystary qarqyndy jürıp jatyr. Qadalardy qaǧu jūmystary aiaqtaldy. Monolittı qaŋqasy da daiyn. Fasadtar men terezelerdı montajdau jūmystary jartylai oryndaldy (50%-dan astam).
Yŋǧaily logistika. Endı mūndaǧy reanimasiialyq brigadalar Kökşetaudyŋ kez kelgen nüktesıne nebärı 15-20 minutta jete alady.
