Qyrǧyzstan mūnai jäne janarmaimen tūraqty qamtamasyz etu üşın önımderdı eksporttauǧa tyiym saldy, dep habarlaidy "Adyrna" tılşısı.
Sonymen qatar elge avtokölıkpen mūnai önımderın äkeluge qatysty būrynǧy şekteulerdıŋ küşı 2027 jyldyŋ 1 säuırıne deiın toqtatyldy.
Qyrǧyz Respublikasy Ministrler kabinetı 2026 jylǧy 13 şıldede №484 qauly qabyldap, mūnai men mūnai önımderınıŋ importy men eksportyna qatysty būrynǧy qaulylarǧa özgerıster engızdı.
Jaŋa qūjatqa säikes, 2019 jyly engızılgen Qyrǧyzstan aumaǧyna avtokölık arqyly mūnai men mūnai önımderınıŋ keibır türlerın äkeluge qoiylǧan uaqytşa tyiymnyŋ küşı 2026 jylǧy 25 mamyrdan 2027 jylǧy 1 säuırge deiın toqtatyldy. Būl kezeŋde atalǧan şekteu qoldanylmaidy.
Sonymen qatar, bilık mūnai men mūnai önımderın Qyrǧyzstan aumaǧynan avtomobil jäne temırjol kölıgımen şyǧaruǧa uaqytşa tyiym engızdı. Şekteu eldıŋ ışkı naryǧy tolyq qamtamasyz etılgenge deiın nemese Euraziialyq ekonomikalyq odaqtyŋ mūnai men mūnai önımderınıŋ ortaq naryǧy qūrylǧanǧa deiın küşınde bolady.
Tyiym EAEO syrtyndaǧy elderge ǧana emes, jalpy Qyrǧyzstannan mūnai men mūnai önımderın şyǧaruǧa qatysty qoldanylady. Alaida ministrler kabinetınıŋ arnaiy şeşımımen qaita öŋdeuge jıberıletın nafta, mazut jäne peş otyny būl talaptan tys qalady. Mūndai önımder keiın qaitadan Qyrǧyzstanǧa äkelınuı tiıs.
Qauly resmi jariialanǧan künnen bastap küşıne endı.
