Foto: boxingkazakhstan
İndoneziianyŋ Djakarta qalasynda ötıp jatqan jastar arasyndaǧy U19 jäne U23 Aziia chempionatynda şirek finaldyq kezeŋ aiaqtaldy, dep habarlaidy "Adyrna".
20 elden 329 boksşy qatysyp jatqan qūrlyq bırınşılıgınde 16 memlekettıŋ ökılderı kem degende qola jüldenı qamtamasyz ettı.
U23 sanatynda jartylai finalǧa eŋ köp sportşy şyǧarǧan qūramalar qatarynda Özbekstan köş bastap tūr – 18 boksşy. Ekınşı orynda Qazaqstan (16), al üzdık üştıktı Ündıstan (15) tüiındedı.
12 şıldede U23 sanatyndaǧy jartylai finaldyq kezdesuler ötedı. Qazaqstan qūramasynan 16 boksşy final joldamasyn sarapqa salady.
Äielder arasynda Gülnaz Börıbaeva (48 kelı), Anita Adişeva (51 kelı), Ūljan Särsenbek (57 kelı), Aiajan Ermek (60 kelı), Aziza İsina (70 kelı), Şūǧyla Nälıbai (75 kelı) jäne Panar Seiıthanqyzy (+81 kelı) ringke şyǧady.
Al erler qūramasynan Beksūltan Boranbek (55 kelı), Nūrasyl Tölebek (60 kelı), Nūrbek Mūrsal (70 kelı), Aman Qonysbek (75 kelı), Öner Seiılhan (80 kelı), Temırlan Mūqataev (85 kelı), İbragim Betaev (90 kelı) jäne Aslan Eldıbaiūly (+90 kelı) finalǧa berıletın joldama üşın baq synaidy.
