Qazaqstandyqtardyŋ basym bölıgı öz ömırıne qanaǧattanatynyn jäne aldaǧy uaqytta tūrmys jaǧdaiynyŋ jaqsaratynyna senetının aitty. Būl DATAmetrics kompaniiasy jürgızgen äleumettanulyq zertteu nätijesınde belgılı boldy.
Zertteu Qazaqstan Respublikasy Prezidentı janyndaǧy Qazaqstannyŋ strategiialyq zertteuler institutynyŋ tapsyrysy boiynşa 2026 jylǧy 13 mausym men 2 şılde aralyǧynda jürgızılgen.
Saualnamaǧa elımızdıŋ barlyq öŋırınen, sondai-aq Astana, Almaty jäne Şymkent qalalarynan 18 jastan asqan 8 myŋ adam qatysty.
Zertteu nätijesıne säikes, respondentterdıŋ 63,3%-y öz ömırıne tolyq riza ekenın aitsa, 31,9%-y köp jaǧdaida qanaǧattanatynyn jetkızgen. Osylaişa, qatysuşylardyŋ 95,2%-y öz ömırıne oŋ baǧa bergen.
Sonymen qatar saualnamaǧa qatysqandardyŋ 67,6%-y soŋǧy bır jylda otbasynyŋ materialdyq jaǧdaiy jaqsarǧanyn atap ötken. Onyŋ ışınde 29,8%-y jaǧdaiynyŋ aitarlyqtai jaqsarǧanyn, al 37,8%-y belgılı bır deŋgeide oŋ özgerıster bolǧanyn aitqan.
Al 25,5% respondent otbasynyŋ materialdyq jaǧdaiy özgermegenın mälımdese, 6,6%-y tūrmys deŋgeiınıŋ naşarlaǧanyn körsetken.
Zertteu nätijesı qazaqstandyqtardyŋ bolaşaqqa degen senımı de joǧary ekenın körsettı. Saualnamaǧa qatysqandardyŋ 78,6%-y bır jyldan keiın öz otbasynyŋ tūrmys jaǧdaiy bügıngıden jaqsy bolady dep esepteidı. Onyŋ ışınde 45%-y jaǧdaiy aitarlyqtai jaqsarady dep sense, 33,6%-y belgılı bır deŋgeide jaqsaratynyn aitqan.
Zertteu betpe-bet sūhbat jürgızu ädısımen ūiymdastyrylǧan. Irıkteu respublika halqynyŋ jynysy, jasy jäne qala men auyldaǧy tūrǧyndar ülesıne säikes jasalǧan. Zertteudıŋ statistikalyq qatelık şegı ±1,1%, senımdılık deŋgeiı – 95%.
