Venesuelada bolǧan ekı küştı jer sılkınısınıŋ saldarynan qaza tapqandar sany 235 adamǧa jettı. Al jaraqat alǧandar sany 4 300-ge deiın östı. Būl turaly Venesuelanyŋ densaulyq saqtau ministrı Karlos Alvarado mälımdedı, dep habarlaidy "Adyrna".
Aldyn ala mälımet boiynşa, 157 adam ız-tüzsız joǧalǧan, 200 adam üiındı astynda qalyp qoiǧan, al tabiǧi apattan 2 927-den astam otbasy zardap şekken.
Jer sılkınısı eldıŋ infraqūrylymyna da aitarlyqtai ziian keltırdı. Jalpy 250 ǧimarat pen 8 auruhana zaqymdanǧan. Keibır medisinalyq mekemelerden nauqastar şūǧyl türde evakuasiialanǧan.
Eŋ köp zardap şekken öŋır – La-Guaira. Mūnda 100-den astam ǧimarat qiraǧan. Qūtqaru jūmystaryna auyr tehnika jūmyldyrylyp, 11 500-ge juyq qauıpsızdık qyzmetkerın tartu josparlanǧan.
Tabiǧi apattan keiın bırqatar elder Venesuelaǧa kömek körsete bastady. Atap aitqanda, Salvador men Dominikan Respublikasy qūtqaru toptaryn jıberdı. Al AQŞ gumanitarlyq kömek körsetuge bailanysty qoldanystaǧy sanksiialardan uaqytşa bosatyp, halyqaralyq gumanitarlyq ūiymdar arqyly 150 million dollar böldı.
Sonymen qatar el astanasyndaǧy negızgı äuejaida tuyndaǧan aqaularǧa bailanysty äue qatynasy älı de tolyq qalpyna kelmegen. Osyǧan bailanysty Iberia jäne Air Europa äue kompaniialary bırqatar reisterın toqtatty.
Eske salaiyq, 25 mausymǧa qaraǧan tünı Venesuelanyŋ soltüstıgınde magnitudasy 7,1 bolatyn jer sılkınısı tırkelgen bolatyn. Keiın AQŞ Geologiialyq qyzmetı (USGS) arasyna nebärı 40 sekund salyp, magnitudasy 7,2 jäne 7,5 bolatyn taǧy ekı jerasty dümpuın tırkegenın habarlady. Osydan keiın Venesuelada tötenşe jaǧdai rejimı jariialandy.
