Qazaqstanda halyqaralyq jäne respublikalyq maŋyzy bar avtomobil joldarynyŋ boiynda 250 köpfunksionaldy servistık nysan salu josparlanyp otyr. Būl turaly Jibek Joly telearnasynyŋ «Bügın LIVE» baǧdarlamasynda QR Kölık ministrlıgı Avtomobil joldary komitetı paidalanuǧa beru basqarmasynyŋ bas sarapşysy Abdullah Äbışev mälımdedı, dep habarlaidy "Adyrna".
"Halyqaralyq jäne respublikalyq maŋyzy bar joldardyŋ boiynda köpfunksionaldy nysandar salu josparlanǧan. Būl jobaǧa şamamen 180 mlrd teŋge investisiia tartylady. Qazaqstandaǧy barlyq kölık dälızderı boiynşa infraqūrylym salynady. Qazır salynatyn 250 uchaske belgılendı. Bügınde «QazAvtoJol» kompaniiasymen bırlesıp, investorlar jūmysty jalǧastyryp jatyr", – dedı Abdullah Äbışev.
Onyŋ aituynşa, investorlar biyl atalǧan nysandardyŋ 50-ın paidalanuǧa berudı közdep otyr. Är oblysta şamamen 5-6 nysan salu josparlanǧan.
"Qazırgı uaqytta elımızde 1428 servistık nysan jūmys ısteidı. Onyŋ ışınde 1329-y ūlttyq standart talaptaryna säikes keledı. Eger halyqaralyq standartqa sai taǧy 250 nysan qosylsa, būl körsetkış edäuır jaqsarady", – dedı sarapşy.
Spikerdıŋ mälımetınşe, jaŋa nysandarda elektrlı kölıkterdı quattau stansalary ornatylady.
"Qazır jasyl energiiaǧa sūranys artyp, elektrlı kölıkter sany köbeiıp keledı. Alaida olardy quattaityn infraqūrylym älı de jetkılıksız. Osy mäselenı şeşu üşın köpfunksionaldy nysandar qūramynda elektrlı kölıkterdı quattau beketterı aşylady. Sonymen qatar kün energiiasyn paidalanatyn panelder ornatylady", – dedı ol.
Sondai-aq joba aiasynda 2 myŋǧa juyq jaŋa jūmys orny aşylady.
"Jaŋa nysandardyŋ qūrylysy men paidalanuǧa berıluı nätijesınde şamamen 2 myŋ jūmys orny qūrylady. Būl rette injenerlık sala mamandaryna sūranys joǧary bolady", – dedı Abdullah Äbışev.
