"Túk kinási joq, ádildik jeńedi": Hamenova feısbýkte jazba jarııalady (FOTO)

5973
Adyrna.kz Telegram

"Para alýshy da, berýshi de úıinde jatyr. Bul iste túk kinási joq B.Hamenova nege ózine senimdi bolmaýy kerek, nege ádildikke senbeýi kerek". Qamaýda otyrǵan Atyraý oblysy ákiminiń orynbasary Baqytgúl Hamenovanyń feısbýk paraqshasynda osyndaı jazba jarııalandy, dep jazady "Adyrna" ulttyq portaly. 

"Jelidegi jazbalardy jarysa bólisip, aıyzy qanǵansha sybap, “sottalsyn!” dep jatqandar da jeterlik. Pikirlerge kóziń túsip ketse, jaǵańdy ustaıtyndaı jaǵdaı. Aq jaýlyqty ana jasyndaǵy apalar, er dep senim artar azamattar da aýyzdarynan aq ıt kirip, kók ıt shyǵyp, qarǵap-silep, tabalaýdan aıanyp qalmaǵan eken... Já, nalymadyq asa, anamyz aıtqandaı, óresi tómen keıbireýlerdiń kóp sózi men boq sózi taǵdyrdy sheshpeıdi. Allaǵa shúkir, baýyrymyzdyń adaldyǵyna senip, qoldaý kórsetip sotqa kelgen, áleýmjelide jyly sózimen jylatyp ta, jubatyp ta jatqan tileýles aǵaıynnyń qarasy qalyń. Para alýshy da, parany berýshi de bostandyqta úıinde jatqanda, 8 aı boıy SIZO-da sotty kútip jatqan B.Hamenovanyń “Ádildik jeńedi!” degen bir aýyz sózin san-saqqa júgirtip, boljam jatqan da óz qazaǵymyz. Túsinbeıtinimiz - bul iste TÚK KINÁSI joq B.Hamenova nege ózine senimdi bolmaýy kerek, nege ádildikke senbeýi kerek?!", - delingen jazbada.

Esterińizge sala keteıik, Baqytgúl Hamenovanyń soty 11 tamyzda ótedi. 

"Adyrna" ulttyq portaly 

Pikirler