Resei prezidentı Vladimir Putin Ukraina prezidentı Vladimir Zelenskii ūsynǧan tıkelei kezdesu ötkızu jäne sol kezeŋde atysty toqtatu bastamasyn qoldamady, dep habarlaidy "Adyrna" ūlttyq portaly.
DW deregınşe, Sankt-Peterburg halyqaralyq ekonomikalyq forumynyŋ plenarlyq otyrysynda söilegen Putin qazırgı jaǧdaida mūndai kezdesudıŋ mänı joq ekenın aitty. Onyŋ sözınşe, memleket basşylary deŋgeiındegı kezdesu aldymen naqty kelısımder äzırlengennen keiın ǧana nätije bere alady. Resei prezidentı Zelenskiidıŋ özıne arnaǧan aşyq hatyn «dörekılık elementterı bar qaǧaz» dep atap, ony tek üstırt qarap şyqqanyn mälımdedı. Sonymen qatar ol Ukraina prezidentımen kezdesuden eşqaşan bas tartpaǧanyn, alaida «nätijesız äŋgımege uaqyt joǧaltqysy kelmeitının» jetkızdı.
Forum barysynda Putin Ukrainadaǧy soǧysqa qatysyp jatqan reseilık äskeri qyzmetkerlerge de ündeu jasap, olardyŋ qyzmetıne joǧary baǧa berdı. Ol äskeri qyzmetşılerge «Jūmysty jalǧastyryŋdar, bauyrlar» dep ün qatty.
Būǧan deiın Vladimir Zelenskii Putinge joldaǧan aşyq hatynda Resei armiiasynyŋ ai saiynǧy şyǧyny 30 myŋnan astam qaza tapqan jäne auyr jaralanǧan adamdy qūraitynyn mälımdegen. Sondai-aq ol Ukraina drondarynyŋ Resei aumaǧyndaǧy nysandarǧa soqqy beru mümkındıgı artqanyn atap öttı. Ukraina prezidentı soǧystyŋ Resei üşın jaǧymsyz saldary köbeiıp jatqanyn aityp, taraptarǧa üşınşı el aumaǧynda kezdesu ötkızu üşın naqty kün belgıleudı ūsynǧan edı.
Al Germaniianyŋ syrtqy ıster ministrı Iohann Vadeful Resei men Ukraina arasyndaǧy qaqtyǧysty toqtatu üşın kelıssözderdı jedeldetuge şaqyryp, beibıt kelıssözderge europalyq taraptardyŋ da qatysuy maŋyzdy ekenın mälımdedı.
