Aǵymdaǵy jylǵy 3-5 tamyzda Ortalyq saılaý komıssııasy oblystardyń, respýblıkalyq mańyzy bar qalalardyń jáne astananyń aýmaqtyq saılaý komıssııalarynyń tóraǵalaryna arnalǵan semınar-keńes ótkizdi. Úsh kúndik jumys sessııalary kezinde negizgi spıkerler, ıaǵnı Ortsaılaýkom Tóraǵasy Nurlan Ábdirov, tóraǵanyń orynbasary Konstantın Petrov, sondaı-aq OSK músheleri Sabıla Mustafına, Anastasııa egorova, Asylbek Smaǵulov jáne Shavhat Ótemisov sóz sóıledi.
Semınar-keńestiń birinshi kúni respýblıkalyq referendým naýqanynyń qorytyndylaryna arnaldy. Komıssııalardyń referendýmdy daıyndaý boıynsha atqarǵan jumystary, daýys berý kúnin uıymdastyrý, onyń ishinde múgedektigi bar jandarǵa jaǵdaı jasaý máseleleri talqylandy. Sondaı-aq, aqparattyq, qarjylyq qamtamasyz etýge, referendýmǵa qatysýshylardy oqytý qorytyndylaryna, jeke jáne zańdy tulǵalardyń ótinishterin, sondaı-aq sot aktilerin qaraýǵa taldaý júrgizildi. Aýmaqtyq saılaý komıssııalarynyń ókilderi referendýmǵa daıyndyq jáne ony ótkizý kezeńindegi túrli qyzmet baǵyttary boıynsha jumys tájirıbelerimen bólisti. Semınardyń birinshi bóliginiń qorytyndylary boıynsha belsendi pikir almasý boldy jáne referendým naýqanynyń qorytyndylaryn eskere otyryp, aýmaqtyq saılaý komıssııalarynyń budan bylaıǵy júıeli jumystaryna qatysty birqatar tapsyrmalar berildi.
Ekinshi kúni semınarǵa qatysýshylarǵa Prezıdent Qasym-Jomart Toqaevtyń Qazaqstan halqyna Joldaýyn iske asyrý aıasynda Úkimet tarapynan saılaý zańnamasyna engizý úshin usynylyp otyrǵan ózgerister men tolyqtyrýlardyń jobasy alǵa tartyldy. OSK músheleri aýmaqtyq saılaý komıssııalaryna Májilis jáne máslıhat depýtattaryn saılaý kezinde aralas saılaý júıesin engizýge, ákimderdi saılaý tájirıbesin damytýǵa, áleýmettik jelilerdegi úgittti quqyqtyq retteýge, ulttyq baıqaýshylardyń qyzmetine, saılaýdy memlekettik emes qarjylandyrýǵa jáne saılaý proesin jańǵyrtý jónindegi ózge de baǵyttarǵa baılanysty zańnama jańalyqtaryn egjeı-tegjeıli túsindirdi. Sonymen qatar, Ákimshilik rásimdik-proessýaldyq negizder men saılaý daýlaryn qaraý tártibi qaraldy. Talqylaý qorytyndysy boıynsha aýmaqtyq saılaý komıssııalaryna saılaý zańnamasy men quqyq qoldaný praktıkasyn odan ári jetildirý boıynsha usynystar men usynymdar berý tapsyryldy.
Úshinshi kúni aýmaqtyq saılaý komıssııalarynyń quramyn kásibılendirý máselesi talqylandy. Qazaqstan Respýblıkasy Prezıdentiniń janyndaǵy Memlekettik basqarý akademııasynyń Elektorattyq oqytý ortalyǵynyń dırektory Janar Buqanova osy ortalyqtyń bazasynda saılaý proesine qatysýshylardy daıarlaý jáne oqytý jónindegi aldaǵy jumys josparlarymen bólisti.
Semınar sońynda Ortalyq saılaý komıssııasynyń Tóraǵasy Nurlan Ábdirov aýqymdy jumys atqarylyp otyrǵanyn, respýblıkalyq referendýmǵa qorytyndy jasalǵanyn, negizgi mindetter túsindirile otyryp, elimizde júrgizilip otyrǵan konstıtýııalyq-saıası reformalardy iske asyrý boıynsha odan ári qadamdar belgilengenin, sondaı-aq birqatar naqty tapsyrmalar berilgenin atap ótti.
