Pavlodar oblysynda An-2 ūşaǧy apatqa ūşyrady. Būl turaly bügın Kölık ministrlıgı aitty, dep habarlaidy «Adyrna» tılşısı.
Oqiǧa Jelezinka auyly maŋynda bolǧan. Ūşaq «Jeŋıl jäne asa jeŋıl aviasiia operatorlary» zaŋdy bırlestıgıne tiesılı bolyp, aviasiialyq-himiialyq jūmystardy oryndau barysynda ūşyp jürgen. Aldyn ala mälımet boiynşa, ol elektr jelılerıne soǧylǧan.
Bortta ekı adam bolǧan. Olardyŋ bırı qaza tapqan. Ekınşı ūşqyşty TJD qyzmetkerlerı şyǧaryp alǧan, ol esın bıledı.
«Qoldanystaǧy zaŋnamaǧa säikes, būl aviasiialyq oqiǧa Kölıktegı oqiǧalar men oqys oqiǧalardy tergep-tekseru departamentı tarapynan tergeledı. Oqiǧa ornyna departament qyzmetkerlerı jıberıldı», – delıngen ministrlık habarlamasynda.
Ūqsas jaŋalyqtar
