Almaty Super Ski jobasyn qoǧamdyq talqylau barysynda QR Ǧylym jäne joǧary bılım ministrılıgınıŋ ökılı Erjan Küldeev ǧylymi zertteulerdıŋ nätijesımen bölıstı.
Onyŋ aituynşa, joba boiynşa taudaǧy qar jamylǧysynyŋ jaǧdaiy, qar qory jäne klimattyq sipattamalary zerttelgen. Zertteu nätijesı boiynşa keiıngı 10 jylda qar jamylǧysynyŋ aitarlyqtai özgerısı baiqalmaǧan.
Sondai-aq jobanyŋ mūzdyqtarǧa yqtimal äserı qarastyrylǧan. Ūsynylǧan derekterge säikes, mūzdyqtar zerttelıp otyrǧan aumaqtyŋ syrtynda ornalasqan. Sondyqtan jobany ıske asyru mūzdyqtardyŋ jaǧdaiyna tıkelei äser etpeidı.
Erjan Küldeev qūrylys jürgızıletın aumaqta zaŋnamaǧa säikes aldyn ala arheologiialyq qazba jūmystary jürgızıletının atap öttı.
- Barlyq uchaskeler tolyq zerttelıp, qūjattandyrylǧannan keiın ǧana qūrylys-montajdau jūmystaryn jürgızuge rūqsat berıledı, - dedı ol.
Onyŋ aituynşa, tūraqty ekologiialyq baqylau bolǧan jaǧdaida jobany ıske asyru ekologiialyq tūrǧydan rūqsat etıledı.
- Jürgızılgen zertteu nätijelerı tabiǧatty qorǧau talaptary men tūraqty monitoring şaralary saqtalǧan jaǧdaida jobany ıske asyru üşın qarastyruǧa bolatynyn körsetedı, - dedı ol.
