ALMATY 16-tamyz kúni Túrkııanyń táýelsiz kásipkerler men ónerkásipshileriniń birlestigi- MÝSIAD tyń Qazaqstandaǵy ókilderi Túrki Tildes jýrnalıstter qorynyń jýrnalıstermen kezdesti. "MÝSIAD" degen ne, aldymen azdaǵan anyqtama bere ketsek. 1990 jyly Túrkııa da qurylyp, búginde 74 elge qanatyn jaıǵan (ishinde Qazaqstan da bar) álemdik deńgeıdegi tanymal jahandyq kásipkerler birlestigi bolyp sanalady, MÝSIAD ta kásipkerlikpen qatar, qoǵamdyq-áleýmettik baǵytta: aǵartý, servıstik, konsaltıngtik salalardy da qamtyǵan. Búginde Qazaqstandaǵy joǵary klass deńgeıindegi qonaq úılerdiń basym bóligi túrik kásipkerleriniń qoldaýymen kóterilgeni belgili. Tek qonaq úı emes, azyq-túlik sektorynda, dári men hımııa ónekásibinde qurlys pen jabydyqtaý fırmalarynda da túrik kásipkerleri júr. Resmı aqparat kózderine súıensek 2017 jyldyń málimeti boıynsha Qazaqstandaǵy merdiger túrik fırmalarynyń jalpy quny 21 mılıard dollardan asqan. Al Qazaqstannan Túrkııaǵa jasalǵan ınvestıııalar 700 mılıon dollardy quraǵan. Bul eki el arasyndaǵy saýda-sattyq, jalpy ónerkásiptik sala boıynsha úlken kórsetkish. "Eki el basshysy N. Nazarbaev pen R. T. Erdoǵannyń kezdesý barysyndaǵy aıtqan mejesi 5 mılıard dollarǵa deıin jetkizý" deıdi kezdesý barysynda MÝSIAD tyń Qazaqstandaǵy ókili Iylmaz Kesen myrza.
"MÝSIAD ta 60 000 kásiporyn tirikelgen, 1600 000 adamdy jumyspen qamtyp otyr, 17 mılardtyq eksporttyq aýqymmen Túrkııa ekonomıkasynyń 18 paıyzyn quraıdy. Qazaqstanmen birlese jumys jasaýdy bıyldan qolǵa aldyq, bıylǵy jyly 17 ret ótkizilmekshi MÝSIAD EKSPO kórmemizde bıylǵy jyly Qazaqstan kásipkerlerin uıymdastyryp aparý bizge júktelip otyr"- deıdi Iylmaz beı.
Budan buryndary ótken kórmelerge jekelegen kásipkerler barsa bıylǵy jyly MÝSIADtyń ókilderi uıymdastyryp aparatyn bolǵandyqtan zor múmkindikter týyp otyr. Atap aıtqanda álemdegi úzdik kompanııalar men kóshbasshylaryn anyqtaý, orta jáne shaǵyn bıznesti nyǵaıtyp olardyń órkendeýine jol ashý. Álemniń túkpir-túkpirinen jınalatyn bolǵandyqtan óz bıznesin álemdik naryqqa shyǵarsam deıtin jandarǵa taptyrmas sát bolaıyn dep tur. Qarasha aıynyń 21-24 de Stambul qalasynda ótkiziletin EKSPO kórmesinde mynalarǵa jeńildik jasamaqshy, atap aıtqanda 150 jýyq kásipkerlerdiń Túrkııa elindegi qonaq úıi azdaǵan shyǵyndary MÝSIAD birlestiginiń moınynda. Al ushaq bıletin ár kásipker ózi alady. Sondaı aq MÝSIADtyń tikeleı uıymdastyrýymen kórme kezinde qorǵanys pen aeroónerkásip salasyn damytýǵa arnalǵan MÜSİAD HIGH-TECH PORT kórmesi men "22-shi Halyqaralyq iskerlik forýmy" uıymdastyrylady. Qazaqstandaǵy kásipkerlerdi qoldaıtyn palata "ATAMEKEN" de MÝSIADty qoldap birlese jumys isteýge daıyn ekendikterin qýana jetkizdi. Óz kezeginde Túrki tildes jýrnalıstter qorynyń prezıdenti Názııa Joıamergenqyzy da el ekonomıkasyna zor úles qosyp júrgen eki el arasyndaǵy kelisimderdiń mańyzy joǵarylylyǵyn, osydan buryn da taýar óndiretin basqa da kásipkerler Túrki tildes jýrnalıstter qorynyń uıymdastyrýymen halyqaralyq kórmelerge baryp júrgendigin tilge tıek etti.
Aıda KOJMAMBETOVA
