Instagram äleumettık jelısı 8 mamyrdan bastap jeke habarlamalardaǧy tolyq şifrlaudy qoldaudy toqtatty. Būl şeşımnen keiın paidalanuşylar arasyndaǧy hat almasu mazmūny kompaniia tarapynan tehnikalyq tūrǧyda qoljetımdı boluy mümkın, dep habarlaidy "Adyrna" portaly TRT agenttıgıne sıltep.
Būǧan deiın tolyq şifrlau tek qoldanuşylardyŋ özderı arnaiy qosqan jaǧdaida ǧana ıske qosylatyn. Endı būl qorǧanys mehanizmı keŋ auqymda qoldanylmaityn bolyp özgertılıp otyr.
Kompaniia ökılderınıŋ aituynşa, mūndai qadam şifrlau funksiiasynyŋ jetkılıktı deŋgeide qoldanylmauymen bailanysty. Statistikaǧa säikes, qorǧalǧan rejimdı tek paidalanuşylardyŋ şaǧyn bölıgı ǧana ıske qosqan.
Özgerıster aldymen Avstraliiadaǧy qoldanuşylarǧa engızılgen. Aldaǧy uaqytta būl jaŋartu basqa öŋırlerge de taraluy mümkın.
Sonymen qatar Instagram platformasynda jaŋa funksiialar testılenıp jatyr. Olardyŋ qatarynda tek bır ret köruge bolatyn fotosuretter jıberuge mümkındık beretın Instants qosymşasy jäne «Stories»-tı anonimdı türde köruge jaǧdai jasaityn premium-jazylym qyzmetı bar.
Sarapşylardyŋ pıkırınşe, būl özgerıster äleumettık jelıdegı qūpiialylyq pen derekter qauıpsızdıgıne qatysty jaŋa talqylaularǧa sebep boluy mümkın.
