Bügın, 6 mamyrda jaŋalyqtar industriiasyn özgertıp, CNN telearnasyn qūrǧan belgılı käsıpker, filantrop Ted Terner 88 jasqa qaraǧan şaǧynda qaitys boldy. Būl turaly Turner Enterprisesjazdy, dep habarlaidy «Adyrna» tılşısı.
Terner 1980 jyly alǧaşqy täulık boiy habar taratatyn jaŋalyqtar arnasy — Cable News Network-dı ıske qosyp, dästürlı telehabar taratu jüiesıne tübegeilı özgerıs äkelgen edı. Arna 1990–1991 jyldardaǧy Parsy şyǧanaǧyndaǧy soǧys oqiǧalaryn jariialau arqyly älemge keŋınen tanyldy.
Köptegen jurnalist Baǧdattan ketıp jatqanda, CNN qalada qalyp, soǧystyŋ bastaluyn tıkelei efirde körsetken. Arna tılşılerı Keŋes Odaǧynyŋ ydyrauy men Tiananmen alaŋyndaǧy oqiǧalar siiaqty ırı tarihi sätterden tıkelei reportajdar jürgızgen.
Onyŋ teledidarlyq imperiiasy CNN-men şektelmei, TBS, TNT, Turner Classic Movies jäne Cartoon Network siiaqty oiyn-sauyq jäne sport arnalarynyŋ jelısın qamtydy. 1991 jyly Timejurnaly ony älemdık oqiǧalarǧa yqpaly jäne jaŋa aqparattyq keŋıstıktı qalyptastyrǧany üşın «Jyl adamy» dep atady.
