Ystambūlda İzrail konsuldyǧy maŋynda atys boldy, dep habarlaidy "Adyrna" ūlttyq portaly.
Aldyn ala mälımetterge säikes, küdıktıler polisiia qyzmetkerlerıne qarsy oq atqan. Oqiǧa saldarynan ekı polisiia qyzmetkerı jaraqat alyp, üş adam qaza tapty. Aimaqqa şūǧyl türde qosymşa polisiia jasaqtary men jedel järdem brigadalary jıberıldı.
Aqyn Giurlek būl oqiǧaǧa bailanysty tergeu bastalǧanyn mälımdedı. Tergeuge Ystambūl prokurorynyŋ orynbasary men taǧy ekı qyzmetker tartylǧan.
Aqparat közderınıŋ habarlauynşa, şabuyl kezınde konsuldyq ǧimaratynda izraildık diplomattar bolmaǧan. Kei derekterge süiensek, atalǧan nysan soŋǧy ekı jyl boiy jabyq tūrǧan jäne ışınde qyzmetkerler bolmaǧan boluy mümkın.
Konsuldyq biznes-ortalyqta ornalasqan. Būl aimaqta ädette qaruly polisiia qyzmetkerlerı tūraqty küzet jürgızedı.
