Braziliiada jastar men jasöspırımder arasyndaǧy älem chempionatynda qazaqstandyq semserlesuşı tarihi jüldege qol jetkızdı, dep habarlaidy "Adyrna".
Elımızdıŋ atynan synǧa tüsken Nūrmūhammed Jailybai jekelei synda jartylai finalǧa joldama alǧan edı.
Ol jartylai finalda türık elınıŋ ökılı Iаman Furkamen özara myqtyny anyqtady. Alaida Nūrmūhammed tartysqa toly bäsekede 13:15 esebımen qarsylasyna jol berdı. Degenmen jerlesımız älem chempionatynyŋ qola jüldesın enşıledı.
Jarystan keiın Nūrmūhammed Jailybai qoldau körsetken barlyq janküierge alǧysyn bıldırdı.
"Men älı künge deiın jüldege qol jetkızgenıme sene almai tūrmyn. Būl öte keremet sezım. Men üşın eŋ qiyn şaiqas jartylai final boldy. Sebebı qatty qysymmen qatar maǧan senım artyp otyrǧan jandapdyŋ ükılegen ümıtın abyroimen alyp şyǧu kerek boldy. Men būl jetıstıgıme öte quanyştymyn. Qoldau körsetkenderıŋız üşın barşaŋyzǧa raqmet!", – dedı Nūrmūhammed Jailybai.
Aita keteiık, būl elımız üşın tarihi jülde. Sebebı semserlesuden jastar men jasöspırımder arasyndaǧy dübırlı doda qazaq sportşysy alǧaş ret jüldege ılınıp otyr.
