Almaty qalasynda Aport Mall East sauda-oiyn-sauyq ortalyǧynda 1 nauryz – Alǧys aitu künıne orailastyrylǧan respublikalyq referendumdy qoldauǧa arnalǧan auqymdy «ALGYS FEST» konsertı öttı.
Is-şaraǧa qala jastarynyŋ 5000-nan astam ökılı, sondai-aq «Ädılettı jäne Progressivtı Qazaqstannyŋ Halyqtyq Konstitusiiasy üşın!» qalalyq koalisiiasynyŋ ökılderı qatysty. Keş barysynda el azamattaryn aldaǧy referendumǧa belsendı qatysuǧa şaqyruǧa erekşe nazar audaryldy. Konsert aiasynda köpşılıkke Jaŋa Konstitusiia jobasynyŋ maŋyzdylyǧy tüsındırılıp, ärbır azamattyŋ öz ūstanymyn bıldıruı el damuy üşın maŋyzdy qadam ekenı atap ötıldı.
Konserttık baǧdarlamaǧa elımızdıŋ tanymal öner jūldyzdary – Alaşūly, Raim, Erke Esmahan, Kalifarniya, Alatau serılerı, Arqaiym, Nūrsultan Nurberdiev, Balausa Erǧalina jäne Serıkbol Sailaubek, sondai-aq Alatau dästürlı öner teatrynyŋ ärtısterı qatysty. Önerpazdar jinalǧan qauymdy köktemnıŋ alǧaşqy merekesı – Alǧys aitu künımen qūttyqtap, aldaǧy referendumǧa qatysuǧa şaqyrdy.
Şara barysynda qalalyq koalisiia müşelerı men qoǧam belsendılerı söz söilep, elımızde jüzege asyrylyp jatqan saiasi özgerıster jönınde pıkır bıldırdı. Olar qatysuşylardy 15 nauryz künı ötetın referendumǧa qatysyp, azamattyq jauapkerşılık tanytuǧa jäne öz taŋdaularyn jasauǧa ündedı.
Almaty qalasy Qoǧamdyq keŋesınıŋ jäne qalalyq koalisiianyŋ müşesı Dıldäbek Didarbek Jūmaǧaliūly öz sözınde Almaty qalasy ärdaiym saiasi özgerısterdıŋ bel ortasynda bolǧanyn, qala tūrǧyndary qaşanda joǧary azamattyq belsendılık tanytyp kelgenın atap öttı.
«Aldaǧy maŋyzdy özgerıster Jaŋa Ata zaŋdy qabyldaumen bailanysty. Jaŋa Konstitusiia – Ädılettı Qazaqstandy qalyptastyruǧa baǧyttalǧan negızgı qūjat. Būl Konstitusiia elımızdıŋ ärbır azamatyna qyzmet etetın, olardyŋ qūqyqtary men müddelerın qorǧauǧa arnalǧan zaŋ bolmaq. Ädılettı Qazaqstan jolynda bügıngı jas ūrpaq damyǧan, quatty memlekette ömır süretınıne senım mol. Almaty qalasy qaşanda saiasi jaŋǧyrudyŋ aldyŋǧy qatarynda keledı. Sondyqtan 15 nauryz künı ötetın referendumǧa qatysyp, Jaŋa Konstitusiiany qoldauǧa şaqyramyz», – dedı ol.
«Qazaqstannyŋ ūiǧyr Jastar odaǧy» respublikalyq qoǧamdyq bırlestıgınıŋ töraǧasy, qalalyq koalisiia müşesı Rustam Abdusalamūly Qairiev te merekelık künnıŋ simvoldyq mänıne toqtaldy.
«Biyl Alǧys aitu merekesın atap ötıp jatqanymyzǧa 10 jyl tolyp otyr. Osy uaqytqa deiın men otbasyma, tuǧan-tuystaryma, dostaryma alǧys aityp keldım. Al bügın 30 jyl boiy bızdıŋ qūqyqtarymyzdy qorǧap kelgen Konstitusiiamyzǧa alǧys bıldırgım keledı. Degenmen uaqyt talabyna sai Jaŋa Konstitusiiany qabyldaityn kezeŋ keldı», – dedı ol.
Is-şara merekelık köŋıl küimen, patriottyq ruhpen jäne jastardyŋ belsendı qatysuymen öttı. Ūiymdastyruşylardyŋ aituynşa, mūndai formattaǧy aşyq alaŋdar qoǧamdy maŋyzdy saiasi üderıster töŋıregınde bırıktıruge jäne azamattyq belsendılıktı arttyruǧa yqpal etedı.
Şara soŋynda ūiymdastyruşylar almatylyqtardy 15 nauryz künı ötetın respublikalyq referendumǧa qatysyp, el bolaşaǧy üşın maŋyzdy şeşım qabyldauǧa şaqyrdy.
