Bokstan Pekin Olimpiadasynyŋ qola , älemnıŋ kümıs jäne qola jüldegerı Erkebūlan Şynaliev özıne qastandyq jasalǧanyn aityp, polisiia men prokuraturadan kömek sūrady. Būl turaly ol äleumettık jelıge video jariialady, dep habarlaidy "Adyrna".
Onyŋ aituynşa, 2025 jyldyŋ mamyr aiynda qazaqstandyq ekı azamat ony Stambūlǧa (Türkiia) bapker boluǧa şaqyrady.
«Stambūlǧa barǧanda sol azamattardyŋ üiınde on kündei tūrdym, ekeuıne bapker bolyp, jattyǧular jasadyq. Elge oralǧannan keiın Şyŋǧys Mūqaşev qaita habarlasyp, bır-ekı azamattyŋ aiaq-qolyn syndyru keregın aitty. Men üzıldı-kesıldı bas tarttym», - deidı Olimpiada jüldegerı.
Arada bıraz uaqyt ötkennen keiın Erkebūlanǧa Türkiiadan taǧy da qoŋyrau tüsken.
«Biyl qaŋtar aiynda olar taǧy habarlasyp, Türkiiaǧa taǧy şaqyrdy. Ärı bapker bolasyŋ, ärı jaŋa josparlar bar dedı. Men barǧan soŋ äuejaidan kütıp alyp, Stambūldan 150-200 şaqyrym alystaǧy nu ormanǧa alyp bardy da, tastandy ǧimaratqa kırgızdı. Basyma oqtalǧan pistolet taqap, bır qaǧazdardy körsettı, «ŪQK-nyŋ ökılımın dep aitasyŋ» dep mäjbürledı. Men qoryqqanymnan talap etkennıŋ bärın aityp berdım», - deidı E.Şynaliev.
Onyŋ sözınşe, ormanda taǧy bırneşe adam bolǧan. Bärı de Orta Aziiadan Türkiiaǧa qaşyp barǧan saqaldy jıgıtter körınedı.
«Menıŋ oiymşa, olar Türkiia bilıgınen saiasi baspana sūrap alu üşın osyndai äreketke bardy», - dep boljamyn aitty sportşy.
Videoündeu soŋynda Olimpiada jüldegerı QR Işkı ıster ministrlıgınen jäne Bas prokuraturadan kömek sūraǧan.
