Semeide polisiia qyzmetkerlerı jalǧan memlekettık nömırmen jürgen avtokölıktı anyqtady, dep habarlaidy «Adyrna» tılşısı.
Atyrau oblysynyŋ tūrǧyny özı jol erejesın būzbasa da aiyppūldar kele bastaǧanyn habarlaǧan. Abai oblysy polisiia departamentı äkımşılık polisiia basqarmasynyŋ ızdestıru toby jedel şaralar ūiymdastyryp, 33 jastaǧy Semei tūrǧynynyŋ basqa aimaq tūrǧynyna tiesılı nömırdı qoldanǧanyn anyqtaǧan. Er adam BMW X5 avtokölıgın basqa adamnyŋ memlekettık nömırımen jürgızgen. Nätijesınde barlyq aiyppūldar nömırdıŋ naqty iesıne kelıp otyrǧan.
«Polisiia būl ärekettı jol qauıpsızdıgı men tärtıpke tıkelei qauıp töndıretın qasaqana nömır auystyru dep baǧalady. Būzuşylyq faktısı rastaldy. Avtokölık arnaiy aiyp tūraǧyna qoiyldy, qūjattar belgılengen tärtıppen räsımdeldı»,-delıngen habarlamada.
Aita keteiık, jalǧan memlekettık nömırdı qoldanǧany üşın zaŋ boiynşa 15 AEK kölemınde aiyppūl, äkımşılık qamaq — 5 künge deiın jäne kölık basqaru qūqyǧynan 1 jylǧa aiyru jazasy qarastyrylǧan.
«Memlekettık nömır — "qosalqy bölşek" emes, ol kölıktıŋ zaŋdy identifikatory. Jeke būzuşyny jasyru nemese jauapkerşılıktı basqa adamǧa audaru äreketterı anyqtalady, jäne kınälılerge zaŋda közdelgen şaralar qoldanylatyn bolady»,-dep tolyqtyrdy PD.
