Petropavlda múgedektigi bar qyzdy zorlady degen kúdikpen 2 er adam ustaldy. Bul týraly Soltústik Qazaqstan oblysy Polıııa departamenti baspasóz qyzmeti túsinikteme berdi, dep habarlaıdy “Adyrna” ulttyq portaly.
«3 tamyz kúni Petropavl qalalyq Polıııa basqarmasyna Abaı kóshesindegi jalǵa beriletin páterlerdiń birinde oblys ortalyǵynyń 32 jastaǵy turǵyny zorlanǵany týraly habarlama tústi. Bul fakti QR QK 120-baby 2-bóligi, 1-tarmaǵy «Zorlaý» boıynsha Sotqa deıingi tergep-tekserýlerdiń biryńǵaı tizilimine tirkeldi. Polıııa SQO-nyń 48 jáne 32 jastaǵy eki turǵynyn anyqtady.
Qazir osy derek boıynsha tıisti saraptamalar taǵaıyndaldy, qajetti tergeý amaldary júrgizilip jatyr. Onyń nátıjesi boıynsha zańdy proessýaldyq sheshim qabyldanady. Qalǵan aqparat QR QPK 201-babyna sáıkes jarııa etilmeıdi», – dep jazylǵan habarlamada.
Zardap shekken qyzdyń tanysynyń aıtýynsha, boıjetkenniń aqyl-esiniń kemistigi bar, anasy da aýyrady. Kópqabatty úıdiń aýlasynda átkenshek teýip otyrǵan ony kórshileriniń biri qasyndaǵy úıge, jalǵa beriletin páterge alyp ketken. Ol jerde taǵy eki er adam bolǵan. Tek tańerteń ǵana jibergen.
«Tańerteń meniń aldymnan shyqty, ony urǵan. Ne bolǵanyn aıtyp berdi. Polıııaǵa baryp aryz jazdy. Saraptamadan ótti», – deıdi zardap shegýshiniń tanysy.
”Adyrna” ulttyq portaly
