Petropavlda mügedektıgı bar qyzdy zorlady degen küdıkpen 2 er adam ūstaldy. Būl turaly Soltüstık Qazaqstan oblysy Polisiia departamentı baspasöz qyzmetı tüsınıkteme berdı, dep habarlaidy “Adyrna” ūlttyq portaly.
«3 tamyz künı Petropavl qalalyq Polisiia basqarmasyna Abai köşesındegı jalǧa berıletın päterlerdıŋ bırınde oblys ortalyǧynyŋ 32 jastaǧy tūrǧyny zorlanǧany turaly habarlama tüstı. Būl faktı QR QK 120-baby 2-bölıgı, 1-tarmaǧy «Zorlau» boiynşa Sotqa deiıngı tergep-tekserulerdıŋ bıryŋǧai tızılımıne tırkeldı. Polisiia SQO-nyŋ 48 jäne 32 jastaǧy ekı tūrǧynyn anyqtady. Qazır osy derek boiynşa tiıstı saraptamalar taǧaiyndaldy, qajettı tergeu amaldary jürgızılıp jatyr. Onyŋ nätijesı boiynşa zaŋdy prosessualdyq şeşım qabyldanady. Qalǧan aqparat QR QPK 201-babyna säikes jariia etılmeidı», – dep jazylǧan habarlamada.Zardap şekken qyzdyŋ tanysynyŋ aituynşa, boijetkennıŋ aqyl-esınıŋ kemıstıgı bar, anasy da auyrady. Köpqabatty üidıŋ aulasynda ätkenşek teuıp otyrǧan ony körşılerınıŋ bırı qasyndaǧy üige, jalǧa berıletın päterge alyp ketken. Ol jerde taǧy ekı er adam bolǧan. Tek taŋerteŋ ǧana jıbergen.
«Taŋerteŋ menıŋ aldymnan şyqty, ony ūrǧan. Ne bolǧanyn aityp berdı. Polisiiaǧa baryp aryz jazdy. Saraptamadan öttı», – deidı zardap şeguşınıŋ tanysy.
”Adyrna” ūlttyq portaly
Ūqsas jaŋalyqtar
