Asa ırı mölşerde bırneşe ret alaiaqtyq jasady degen küdıkke ılıngen qazaqstandyq Reseiden ekstradisiialandy. Būl turaly Bas prokuratura jazdy, dep habarlaidy «Adyrna» tılşısı.
«Küdıktı 2024-2025 jyldar aralyǧynda Taraz qalasynda özın kommersiialyq ūiymnyŋ qyzmetkerımın dep tanystyryp, qarajatty investisiialau arqyly joǧary tabysqa uäde berıp, azamattardy ärtürlı tauarlardy köterme satyp alu jäne keiınnen satu boiynşa bırlesken käsıppen ainalysuǧa şaqyrǧan. Alaida ol öz mındettemelerın oryndamai, alǧan aqşasyn jymqyryp, qajettılıgıne jūmsaǧan.
Onyŋ qylmystyq äreketterı nätijesınde Qazaqstannyŋ 6 azamatyna jalpy 100 mln teŋgeden astam zalal keltırılgen»,-delıngen habarlamada.
Qylmys jasaǧannan keiın ol jasyrynyp, oǧan halyqaralyq ızdeu jariialanǧan.
Ötken jyldyŋ tamyzynda küdıktı Reseide ūstalyp, Qazaqstan Respublikasy Bas prokuraturasynyŋ sūrauy boiynşa elge ekstradisiialanǧan. Qazırgı uaqytta ol tergeu izoliatoryna qamauǧa alynǧan.
Aiyptalǧan qylmysty jasaǧany üşın mülkı tärkılenıp, 5 jyldan 10 jylǧa deiın bas bostandyǧynan aiyru jazasy qarastyrylǧan.
