Aibek Smadiiarov Qazaqstan Respublikasy syrtqy ıster ministrlıgınıŋ Halyqaralyq aqparat komitetınıŋ töraǧasy – resmi ökılı lauazymynan kettı. Būl qyzmette ol 8 jyl boiy jūmys ıstegen, dep habarlaidy "Adyrna" ūlttyq portaly.
Qyzmetten ketu turaly şeşımın Smadiiarov ministrlıkte ötken aptalyq brifingte habarlady. Ol būl şeşımnıŋ öz erkımen qabyldanǧanyn, kenetten qabyldanbaǧanyn aitty.
«Men būl künge daiyndalyp jürdım. Segız jyl boiy osy mınberde tūrdym… Osy jyldary elımız syrtqy saiasatta köptegen kezeŋnen öttı, köptegen mäsele boldy. Tek sızderdıŋ arqalaryŋyzda bükıl älem Qazaqstandy tanydy», – dedı A.Smadiiarov.
Aibek Smadiiarov 1983 jyly 7 şıldede Oŋtüstık Qazaqstan oblysynda düniege kelgen. Ol II synypty Tötenşe jäne Ökılettı Uäkıl diplomatiialyq därejege ie, qazaq, orys, aǧylşyn jäne türık tılderın meŋgergen.
Eŋbek jolyn 2005 jyly «Qazaqstandaǧy Qytai bankı» AQ-da bastaǧan Aibek Smadiiarov 2006 jyldan 2008 jylǧa deiın QR SIM Konsuldyq qyzmet departamentınde, 2008–2010 jyldary Europa departamentınde qyzmet atqardy. 2010–2012 jyldary Qazaqstannyŋ Majarstandaǧy Elşılıgınde jūmys ıstedı. 2012–2013 jyldary QR Prezidentınıŋ Baspasöz qyzmetınde sarapşy, 2013–2014 jyldary QR SIM Syrtqy saiasi saraptau men boljamdau komitetınıŋ bırınşı hatşysy boldy.
2014–2018 jyldary Vetnamdaǧy QR Elşılıgınde ekınşı jäne bırınşı hatşy, 2018–2019 jyldary QR SIM baspasöz qyzmetın basqardy. 2019–2023 jyldary Halyqaralyq aqparat komitetınıŋ orynbasary – baspasöz hatşysy lauazymynda qyzmet atqardy. 2023 jylǧy mausymnan bastap QR SIM Kommunikasiialar departamentınıŋ direktory – Resmi ökıl boldy.
2025 jyldyŋ 4 nauryzynda Halyqaralyq aqparat komitetınıŋ töraǧasy – Resmi ökıl lauazymyna taǧaiyndalǧan edı.
