2026 jyldan bastap Ülken Almaty ainalma avtomobil jolynda jaŋa tarif engızıledı. Äkımşılık ökılderınıŋ aituynşa, būl özgerıster jolaqyny uaqytyly töleudı yntalandyruǧa baǧyttalǧan, dep habarlaidy «Adyrna» tılşısı.
2026 jyldan bastap jol jüru tarifınıŋ qūnyn arttyru josparlanyp otyr:
- Jeŋıl avtokölıkter üşın — 0,07-ten 0,14 AEK-ke deiın (605,5 ₸);
- Kölık qūraldarynyŋ basqa sanattary üşın — sanatqa säikes mölşerde (tolyǧyraq kestede).
️2026 jylǧy 1 qaŋtardan bastap ailyq eseptık körsetkıştıŋ (AEK) mölşerı boljamǧa säikes 4 325 teŋge bolady.
Aita keteiık, tarif jolda bır saǧatqa teŋ mölşerdegı uaqytqa jäne kölık qūralynyŋ sanatyna bailanysty esepteledı.
Tarifterdıŋ özgeruımen qatar aldyn ala tölem nemese keiıngı tölem qoldanylǧan jaǧdaida 50% jeŋıldık mehanizmın engızu josparlanuda:
Aldyn ala tölem – aqyly jolǧa kırgenge deiın jeke şotqa nemese kölık nömırıne aqşa qarajatyn audaru. Būl jaǧdaida paidalanuşyǧa belgılengen tariftıŋ 50% mölşerınde jeŋıldıkpen töleu mümkındıgı berıledı.
Keiıngı tölem – joldy jürıp ötkennen keiın 7 küntızbelık kün ışınde tölem jasau jol aqysyna 50% jeŋıldık aluǧa mümkındık beredı. Eger tölem körsetılgen merzım ışınde tüspese, 7 kün ötken soŋ bereşek qalyptasady jäne jolaqy jeŋıldıksız, tolyq mölşerde öndırıledı.
“Talǧar, Qarasai jäne Ile audandarynyŋ eldı mekenderınde tırkelgen tūrǧyndarǧa arnalǧan qoldanystaǧy ailyq jäne jyldyq abonementterdıŋ qūny özgerıssız qalady”, – delıngen habarlamada.
