Memleket basşysynyŋ auqymdy sifrlandyru jönındegı tapsyrmasyn jüzege asyru aiasynda Jasandy intellekt jäne sifrlyq damu ministrlıgı ūlttyq superkompiuterlık klaster resurstaryn paidalanu boiynşa ötınım beruge arnalǧan Alem.Cloud platformasyn tanystyrdy. Alem.Cloud superkompiuterı älemdegı eŋ quatty jüielerdıŋ TOP-500 reitingıne enıp, 86-oryndy ielendı. Būl onyŋ öŋırdegı eŋ ırı esepteu ortalyǧy retındegı märtebesın rastaidy.
Alem.Cloud resurstary endı zaŋdy tūlǧalarǧa qoljetımdı. Atap aitqanda, memlekettık organdar, ǧylymi jäne bılım beru ūiymdary, startaptar, jeke kompaniialar, sondai-aq Astana Hub rezidentterı resurstardy paidalana alady. Jasandy intellekt jäne sifrlyq damu ministrlıgı jasandy intellektını damytudyŋ ūlttyq mındetterı men jobalardyŋ strategiialyq maŋyzyn eskere otyryp, superkompiuter resurstaryn bölu erejelerın äzırledı.
Superkompiuterdı paidalanudyŋ basym baǧyttaryna memlekettık basqaru, bılım beru, densaulyq saqtau, auyl şaruaşylyǧy men su resurstary, mūnai-gaz salasy, tau-ken metallurgiia keşenı, energetika, geologiia jäne barlau, kölık pen logistika, önerkäsıp jäne qūrylys, robototehnika men drondar, kiberqauıpsızdık, sondai-aq qarjylyq tehnologiialar kıredı.
Platforma arqyly ötınım beru üşın qoldanuşy https://alem-cloud.nitec.kz/ sıltemege ötıp, qajettı resurstardyŋ kölemın (GPU), CPU, RAM, SSD taŋdaidy, sondai-aq jalǧa alu merzımın körsetedı jäne jobanyŋ sipattamasyn engızedı. Platformada qajettı konfigurasiiany eseptep, qūnyn şyǧaratyn arnaiy kalkuliator qarastyrylǧan. Ärbır ötınım zaŋdy tūlǧanyŋ elektrondyq sifrlyq qoltaŋbasymen rastalady.
Ūlttyq superkompiuter esepteu resurstarynyŋ tūraqty ärı üzdıksız jūmysyn qamtamasyz etedı. Qyzmetter täulık boiy qoljetımdı, derekter rezervtık köşırmelermen qorǧalǧan, al SLA talaptarynyŋ saqtaluy jüienıŋ qoljetımdılıgı men tüsınıktı boluyna kepıldık beredı. Būl kompaniialar men ūiymdarǧa öz jobalaryn senımdı türde josparlap, tiımdı jüzege asyruǧa kömektesedı.
TOP-500 reitingınde 86 oryn Qazaqstannyŋ älemdık deŋgeide quatty ǧylymi-tehnologiialyq infraqūrylymǧa jäne özınıŋ AI-modelderın damytu üşın ülken äleuetke ie ekendıgın rastaidy. Būl elge serpındı zertteuler jürgızuge, sondai-aq bolaşaqta sifrlyq qyzmetter men tehnologiialardyŋ eksportyn ūiymdastyruǧa mümkındık beredı.
