İndoneziianyŋ Temboro qalasynda 16 qaraşa künı ötken Al-Fatah halyqaralyq sadaq atu turnirınde qazaqstandyq sportşylar keremet nätije körsetıp, bırneşe jüldelı orynǧa ie boldy. Biylǧy dodaǧa Malaiziia, İndoneziia, Türkiia, Avstraliia jäne basqa da elderden 185 mergen qatysqan, dep habarlaidy "Adyrna".
Ūlttyq qūramanyŋ müşesı Maqsat Äbdıkerımov jarystyŋ barlyq nysana türlerınde qarsylastarynan basym tüsıp, altyn medal ielendı. Onyŋ däldıgı men şapşaŋdyǧy şeteldık sportşylar arasynda joǧary baǧalandy.
Sonymen qatar, 200 metrlık qaşyqtyqta otandasymyz Dilmūrad Turdimatov ta qarsylastaryn şaŋ qaptyryp, altyn medaldı enşıledı.
Jekelegen qaşyqtyqtar boiynşa ötken bäsekede de qazaqstandyqtar biıkten körındı. 70 metrlık puta nysanasynan Maqsat Äbdıkerımov kümıs medal alsa, taǧy bır sportşymyz Zabit Satoev osy qaşyqtyqta 5-orynǧa taban tıredı.
