Almatydaǧy Dostyq üiınde «Qyran elım – Qazaqstanym» atty ǧylymi-täjıribelık konferensiia öttı.
Jiyn Respublika künı men Qazaqstan Respublikasynyŋ Memlekettık egemendıgı turaly Deklarasiianyŋ qabyldanǧanyna 35 jyl toluyna arnaldy.
Is-şaranyŋ maqsaty – Memlekettık egemendık turaly Deklarasiianyŋ tarihi maŋyzyn aiqyndau, qazaqstandyq patriotizmdı nyǧaitu, ūlttyq qūndylyqtardy därıpteu jäne eldıŋ bırlıgı men täuelsızdıgı ideialaryn qoǧamda odan ärı ornyqtyru.
Konferensiiaǧa Qazaq KSR Joǧarǧy Keŋesınıŋ XII şaqyrylym deputattary, qoǧam jäne memleket qairatkerlerı, Almaty qalalyq mäslihatynyŋ deputattary, qoǧamdyq keŋes müşelerı, etnomädeni bırlestıkter men azamattyq qoǧam ökılderı qatysty.
Almaty qalasy äkımınıŋ orynbasary Azamat Qaldybekov öz sözınde tarihi jadyny saqtaudyŋ maŋyzdylyǧyna toqtaldy:
– Bügın bız elımızdıŋ tarihyndaǧy asa maŋyzdy kezeŋdı eske alu üşın jinalyp otyrmyz. 1990 jyldyŋ 25 qazanynda Memlekettık egemendık turaly Deklarasiia qabyldandy. Būl qūjat täuelsız memlekettıŋ qalyptasu jolyndaǧy alǧaşqy ärı şeşuşı qūqyqtyq akt boldy.
Bügıngı mındetımız – patriottyq sanany küşeitıp, ūlttyq qūndylyqtardy därıpteu jäne qoǧamdy el bırlıgı men täuelsızdıgı ideialarynyŋ ainalasyna bırıktıru. Tek bırlık arqyly ǧana egemendıktıŋ mūratyn laiyqty jalǧastyryp, halqymyzdyŋ örkendeuın qamtamasyz ete alamyz. Barşaŋyzdy Respublika künımen jäne Deklarasiianyŋ qabyldanu mereitoiymen şyn jürekten qūttyqtaimyn! Elımızge bereke, bırlık jäne tabys tıleimın, – dedı ol.
Sondai-aq, ıs-şarada maŋyzdy söz söilegen akademik, belgılı ǧalym Asqar Jūmadıldaev būl künnıŋ öz ömırı men käsıbi jolynda erekşe maŋyzǧa ie ekenın atap öttı:
– Täuelsızdık degenımız – tek saiasi erkındık emes, ol – jauapkerşılık. Bılım men ǧylymǧa, keler ūrpaqtyŋ bolaşaǧyna degen jauapkerşılık.
Men üşın būl mereitoidyŋ orny bölek. Deklarasiia qabyldanǧan jyly eŋ jas ǧylym doktory retınde jas ǧalymdar keŋesınıŋ atynan deputattyqqa alǧaş sailandym. El tarihy däleldegendei, tek bılım men intellektke süienıp, dästür men innovasiiany ūştastyru arqyly ǧana egemendıgımızdı nyǧaita alamyz. Sondyqtan bügıngı konferensiia tek ötkenge taǧzym emes, bolaşaqqa baǧyttalǧan jaŋa ideialar men bastamalardyŋ bastauy bolsyn, – dedı Asqar Jūmadıldaev.
Is-şara aiasynda Qazaqstan Respublikasy Prezidentı Arhivı arnaiy taqyryptyq körme ūiymdastyrdy. Onda Memlekettık egemendık turaly Deklarasiianyŋ qabyldanuy men Täuelsız Qazaqstannyŋ qalyptasu kezeŋderıne qatysty bıregei qūjattar, fotosuretter jäne sirek materialdar qoiyldy.
«Qyran elım – Qazaqstanym» konferensiiasy täuelsızdık, bırlık jäne jasampazdyq ideialaryn därıptei otyryp, ūrpaqtar sabaqtastyǧyn paş etken taǧylymdy ıs-şara boldy.
