Ūlytau oblysynyŋ sifrlyq tehnologiialar basqarmasy öŋır basşysy Dastan Ryspekovke oblystaǧy tehnikalyq resurstardy ortalyqtandyruǧa arnalǧan jaŋa jobany tanystyrdy.
Jobanyŋ basty maqsaty – sifrlyq infraqūrylymdy ortalyqtandyru arqyly basqaru jüiesın jetıldıru jäne öŋırdıŋ sifrlyq transformasiiasyn ılgerıletu.
Ūsynylǧan bastama aiasynda oblys aumaǧyndaǧy ärtürlı mekemeler men ūiymdarǧa tiesılı beinebaqylau kameralary, internet arnalary jäne basqa da sifrlyq infraqūrylym elementterı bıryŋǧai basqaru ortalyǧyna bırıktırılmek. Būl öz kezegınde tehnikalyq resurstardy tiımdı paidalanyp, qauıpsızdık deŋgeiın arttyruǧa jäne baqylau sapasyn jaqsartuǧa mümkındık beredı.
Jobany ıske asyru nätijesınde tehnikalyq şyǧyndar qysqaryp, derekterdıŋ saqtaluy men aqparattyq qauıpsızdık qamtamasyz etıledı. Sonymen qatar, türlı saladaǧy sifrlyq prosesterdı avtomattandyru oblystaǧy memlekettık qyzmet körsetudıŋ tiımdılıgın arttyryp, tūrǧyndarǧa sapaly ärı jedel qyzmet ūsynuǧa jol aşady.
Kezdesu barysynda oblys äkımı Dastan Ryspekov jobanyŋ strategiialyq maŋyzdylyǧyna toqtalyp, ony kezeŋ-kezeŋımen jüzege asyru boiynşa naqty ūsynystar äzırleudı tapsyrdy. Sondai-aq, aimaqtyŋ sifrlyq äleuetın arttyru maqsatynda innovasiialyq şeşımderdı keŋınen engızudıŋ maŋyzyn atap öttı.
“Sifrlyq infraqūrylymdy jüieleu – būl tek tehnologiialyq jaŋǧyru emes, basqaru sapasyn arttyrudyŋ, tiımdı şeşım qabyldaudyŋ jäne halyqqa yŋǧaily qyzmet körsetudıŋ kepılı”, – dedı öŋır basşysy.
